अकोला – जिल्ह्यातील 16 ग्रामपंचायतींच्या सरपंच पदाचे नव्याने आरक्षण निश्चित करण्याकरीता मंगळवार दि. 16 रोजी सोडत काढण्यात यावी, असे आदेश जिल्हाधिकारी जितेंद्र पापळकर यांनी संबंधित तहसिलदारांना दिले आहेत.
यासंदर्भात तहसिलदारांना दिलेल्या निर्देशात नमुद केल्यानुसार जिल्ह्यात तेल्हारा तालुक्यातील चांगलवाडी, सौंदळा, वांगरगाव, अकोट तालुक्यातील चोहोट्टा, सावरा, मक्रमपुर, मंचनपूर, पातोंडा, अकोला तालुक्यातील खांबोरा, बाळापूर तालुक्यातील अंत्री मलकापूर, बार्शीटाकळी तालुक्यातील लोहगड तर पातुर तालुक्यातील चरणगाव, दिग्रस खुर्द, आलेगांव, विवरा, चतारी या ग्रामपंचायतींच्या सरपंच पदासाठी नव्याने आरक्षण सोडत पद्धतीने काढण्यात यावे, त्यासाठी संबंधित तहसिलदारांनी मंगळवार दि. 16 रोजी तहसिल कार्यालयात सोडत घ्यावी, असेही निर्देश देण्यात आले आहेत.
अकोला जिल्ह्यात 224 ग्रामपंचायतीच्या निवडणुका पार पडल्या असुन दि. 9 व 11 फेब्रुवारी रोजी विशेष सभा घेऊन सरपंच-उपसरपंच पदाची निवड करण्यात आली आहे. तथापि 16 ग्रामपंचायतीचे सरपंच पद रिक्त आहे.
