बस्ती (उत्तर प्रदेश) : उत्तर प्रदेशच्या बस्ती जिल्ह्यातील एका अल्पवयीन मुलीच्या हत्येची धक्कादायक घटना समोर आली आहे. एका ७व्या वर्गात शिकणाऱ्या मुलगीची तिचे आई-वडील घरात नसताना तिच्या प्रियकराने तिची हत्या केल्याची घटना घडली आहे. ही घटना बस्ती जिल्ह्यातील राणीपूर गावामध्ये घडली.
एका ७ वीच्या वर्गात शिकणाऱ्या अल्पवयीन मुलीच्या मोबाइलवर फोन केला असता ती कायम बिझी राहत असल्याच्या रागातून प्रियकराने तिची हत्या केली आहे. तिची हत्या केल्यानंतर त्याने ही हत्या आत्महत्या दाखवण्यासाठी तिचा मृतदेह फासावर लटकवला. त्यानंतर तिचा प्रियकर तेथून फरार झाला होता.
मुलीचे आई-वडील घरात आल्यानंतर जेव्हा ही घटना त्यानी पाहिली त्यावेळी त्यांनी आत्महत्या समजून पोलिसांना काहीच सूचना न देता मुलीचा मृतदेह दफन केला होता. मृतदेह दफन केल्यानंतर जेव्हा तीचे नातेवाईक घरी आले त्यावेळी त्यांना तिच्या रूममध्ये रक्ताचे डाग दिसले आणि एक पर्स मिळाली. त्यानंतर लगेच त्यांनी पोलिसात तक्रार दाखल केली आणि तिची हत्या झाल्याचा संशय व्यक्त केला.
तक्रार दाखल झाल्यानंतर पोलिसांनी मुलीला मृतदेह खोदून काढला आणि तो मृतदेह पोस्टमार्टमसाठी पाठवण्यात आला. ज्यावेळी पोस्टमार्टम रिपोर्ट आला त्यावेळी मुलीचा मृत्यू श्वास गुदमरल्यामुळे झालाचे समोर आले. यानंतर खुलासा झाला की, तिने आत्महत्या केली नसून तिची हत्या झाली आहे. या घटनेची पोलिसांनी चौकशी केली असता तिचा प्रियकर असल्याची माहीती मिळाली. त्यामुळे त्यांना तिच्या प्रियकरावर संशय आला. पोलिसांनी सर्व्हिलांसची मदत घेतली. व घरात मिळालेल्या पर्सवरील रक्ताच्या डागांच्या आधारावर पोलिसांनी तिच्या प्रियकराला अटक केली.
पोलिसांनी त्याची चौकशी केली असता त्या दोघांचं प्रेम प्रकरण सुरू असल्याचे त्याने सांगितले. दोघेही फोनवर बोलत होते. पण तिला फोन लावला की, तिचा फोन नेहमीच बिझी राहत होता. याविषयी तिला विचारले असता तिने टोलवाटोलवीची उत्तरे देऊ लागली. तिच्या उत्तरामुळे मला तिच्यावर संशय आला. मला वाटलं की ती दुसऱ्या मुलासोबत बोलते. त्यामुळे संशय असल्याच्या रागातून तिची हत्या केल्याचे प्रियकराने सांगितले. पोलिसांनी आरोपीला अटक करून तुरूंगात पाठवलं आहे.
