फटाके फोडणाऱ्या बुलेट विरुद्धची मोहीम आणखी कडक करणार, आता सरळ बुलेट जप्तीची मोहीम राबविणार

अकोला – मागील काही दिवसांपासून शहर वाहतूक शाखा अकोला शहरातील फटाके फोडणाऱ्या बुलेट विरुद्ध धडक मोहीम राबवित आहे, त्या अंतर्गत बुलेट च्या मूळ सायलेन्सर मध्ये बदल करून फटाके फोडणारे सायलेन्सर लावून बुलेट चालविणाऱ्या बुलेट राजांना चाप लागावा म्हणून अश्या बुलेट विरुद्ध धडक मोहीम सुरू करून आता पर्यंत 25 बुलेट वाहतूक शाखेत लावून त्यांचेवर दंडात्मक कारवाई करून अश्या बुलेट चे सायलेन्सर बदलून घेऊन परत मूळ सायलेन्सर लावून मगच अश्या बुलेट सोडण्यात येत होत्या, सदर मोहिमेचा काही अंशी फरक पडला, परंतु शहरात अजूनही बरेच तरुण एक क्रेझ म्हणून अश्या फटाके फोडणाऱ्या बुलेट सुसाट वेगाने चालवीत असल्याच्या नागरिकांच्या तक्रारी आहेत, ह्या तक्रारीची दखल घेऊन पोलीस अधीक्षक जी श्रीधर ह्यांचे निर्देशा प्रमाणे व उपविभागीय पोलीस अधिकारी सचिन कदम ह्यांचे मार्गदर्शनाखाली पोलीस निरीक्षक गजानन शेळके ह्यांनी सायलेन्सर बदलून फटाके फोडणाऱ्या बुलेट विरुद्धची मोहीम आणखी कडक करून आता अश्या बुलेट आढळून आल्यास त्यांचे वर सरळ जप्तीची कारवाई करून ,अश्या बुलेट वाहतूक कार्यालयात लावण्यात येणार असून त्यांचा अहवाल प्रादेशिक परिवहन कार्यालयात पाठवून त्यांची कारवाई झाल्या नंतरच त्यांचे निर्देशा नंतरच अश्या बुलेट सोडण्यात येणार आहेत, त्या साठी अकोला शहरात अश्या सायलेन्सर बदलून बुलेट चालविणाऱ्या तरुणांनी ह्याची नोंद घ्यावी अन्यथा बुलेट जप्तीची कारवाईस तयार रहावे असा कडक इशारा शहर वाहतूक शाखेचे पोलीस निरीक्षक गजानन शेळके ह्यांनी दिला आहे