म्हैसांग येथे चार चाकी ची दुचाकीस धडक, दोन गंभीर जखमी

म्हैसांग(निखिल देशमुख)-– बोरगाव मंजू पोलीस स्टेशन अंतर्गत येत असलेल्या अकोला- म्हैसांग महामार्गावरील म्हैसांग येथील बुलाखी मंदिराजवळ रात्री 9.30 वाजता च्या सुमारास घडलेल्या एका अपघातामध्ये मोटर कारने दुचाकीस दिलेल्या धडकेमध्ये दुचाकीवरील 2 जण गंभीर जखमी झाल्याची घटना घडली. याबाबत सविस्तर वृत्त असे की,म्हैसांग येथील बुलाखी मंदिराजवळ रात्री 9.30 वाजता च्या सुमारास अकोला कडून म्हैसांग कडे भरधाव वेगाने जात असलेली मोटर कार क्रं. MH 48 A 6127 ने म्हैसांग कडून अकोला कडे येत असलेली दुचाकी क्रं.MH 30 AR 2089 ला जबरदस्त धडक दिली या धडकेमध्ये दुचाकी वरील 2 जण गंभीर जखमी झाले असून जखमींना उपचारासाठी रुग्णवाहिकेद्वारे सर्वोपचार रुग्णालय अकोला येथे पाठविण्यात आल्याची माहिती प्राप्त झाली असून मोटर कार मधील दोघे जण गाडी सोडून पळून गेल्याचे समजते घटनेची माहिती बोरगाव मंजू पोलीस स्टेशन ला देण्यात आली आहे.