अकोला जुने शहरातील डाबकी रोडवरील गोंडपुरा भागातील गॅस फुगे फुगवणाऱ्या सिलेंडरचा स्फोट झाल्याची घटना सायंकाळच्या सुमारास घडली. यामध्ये एकाचा मृत्यू झाला असून दोन जण गंभीर जखमी झाले आहेत गंभीर जखमींवर रूग्णालयात उपचार सुरू आहेत.
अपघात घडला ते घटना स्थळ
जुने शहरातील गोंडपुरा भागात प्रमोद किराणा दुकानाच्या बाजुच्या गल्लीत हवेतील गॅस फुगे फुगवणाऱ्याचे दुकान आहे. याठिकाणी काल सायंकाळच्या सुमारास अचानक सिलिंडरचा स्फोट झाल्याचे उघड झाले. यामध्ये एकाचा मृत्यू झालाय तर दोन जण गंभीर जखमी झाले आहेत. निलेश दौलतराव दाभाडे असे मृतकाचे नाव आहे. तसेच एका चार वर्षाच्या लहान मुलांचा एक डोळा निकामी झाला आहे. सदर जखमींवर शासकीय सर्वोपचार रुग्णालयात उपचार सुरू आहेत. या दरम्यान घटनेची माहिती मिळताच पोलिसांनी तात्काळ घटनास्थळी धाव घेऊन पंचनामा केला. याप्रकरणी पोलिसांनी आकस्मिक मृत्यूची नोंद करून अधिक तपास सुरू केला आहे.
