अकोला – आज दिवसभरात (सायंकाळी पाच वाजेपर्यंत) कोरोना संसर्ग तपासणीचे 204 अहवाल प्राप्त झाले. त्यातील 190 अहवाल निगेटीव्ह तर 14 अहवाल पॉझिटीव्ह आले. आता अकोला जिल्ह्यात पॉझिटीव्ह अहवालांची एकूण संख्या 3355(2790+565) झाली आहे. आज दिवसभरात 63 रुग्ण बरे झाले, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे.
शासकीय वैद्यकीय महाविद्यालयाकडून प्राप्त माहितीनुसार, आजपर्यंत एकूण 24490 जणांचे नमुने पाठवण्यात आले आहेत. त्यात प्राथमिक तपासणीचे 23824, फेरतपासणीचे 173 तर वैद्यकीय कर्मचाऱ्यांचे 493 नमुने होते. आजपर्यंत एकूण 24390 अहवाल प्राप्त झाले आहेत. एकूण निगेटीव्ह अहवालांची संख्या 21600 आहे. तर पॉझिटीव्ह अहवाल 3355(2790+565) आहेत, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे.
आज 14 पॉझिटिव्ह
आज दिवसभरात 14 जणांचे अहवाल पॉझिटीव्ह आले. त्यात आज सकाळी पाच जणांचे अहवाल पॉझिटिव्ह आले. त्यात दोन महिला व तीन पुरुष आहेत. त्यातील सिव्हील लाईन येथील दोन जण तर उर्वरित बाळापूर नाका, जीएमसी क्वॉटर व सस्ती ता. पातूर येथील प्रत्येकी एक याप्रमाणे रहिवासी आहेत.तसेच आज सायंकाळी नऊ जणांचा अहवाल पॉझिटिव्ह आला. त्यात दोन महिला व सात पुरुष आहेत. त्यातील मुर्तिजापूर येथील दोन जण तर उर्वरित हरिहर पेठ, तोष्णीवाल लेआऊट, चांगेफळ अकोला, तेल्हारा, बाबुळगाव ता.पातूर, पिंजर ता.बार्शीटाकळी, पोपटखेड ता.अकोट येथील प्रत्येकी एक याप्रमाणे रहिवासी आहेत, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे.
दरम्यान, काल रात्री प्राप्त झालेल्या रॅपिड अँटीजन टेस्ट मध्ये 10 जणांचा अहवाल पॉझिटिव्ह आला होता. त्यांचाही समावेश आजच्या पॉझिटीव्ह अहवाल संख्येत व ॲक्टीव्ह पॉझिटीव्ह अहवाल संख्येत करण्यात आला आहे.
63 जणांना डिस्चार्ज
दरम्यान आज दुपारनंतर शासकीय वैद्यकीय महाविद्यालयातून 26 जणांना, कोविड केअर सेंटर येथून 20 जण, उपजिल्हा रुग्णालय मूर्तिजापूर येथून 11 जण, आयकॉन हॉस्पीटल येथून तीन जण, हॉटेल रणजीत येथून दोन जण, तर कोविड केअर सेंटर, अकोट येथून एक जणांना अशा एकूण 63 जणांना डिस्चार्ज देण्यात आला, अशी माहिती जिल्हा शल्य चिकित्सक कार्यालयातून देण्यात आली आहे.
334 पॉझिटीव्ह रुग्णांवर उपचार सुरु
आजपर्यंत एकूण पॉझिटीव्ह अहवालांची संख्या 3355(2790+565) आहे. त्यातील 141 जण मयत आहेत. स्चार्ज दिलेल्या एकूण व्यक्तींची 2880 संख्या आहे. तर सद्यस्थितीत 334 पॉझिटीव्ह रुग्ण उपचार घेत आहेत, अशी माहिती शासकीय वैद्यकीय महाविद्यालयाच्या सूत्रांनी दिली आहे.
