अकोला – कोरोना संसर्ग चाचणीसाठी जिल्ह्यात रॅपिड ॲन्टीजन टेस्ट राबविण्यात येत आहे. यात आज दिवसभरात झालेल्या 83 चाचण्यामध्ये केवळ आठ जणाचा अहवाल पॉझिटिव्ह आला, अशी माहिती निवासी उपजिल्हाधिकारी संजय खडसे यांनी दिली.
आज दिवसभरात झालेल्या चाचण्या याप्रमाणे- अकोला ग्रामीण, बाळापूर, पातूर, तेल्हारा व मुर्तिजापूर येथे चाचण्या झाला नाही. अकोट येथे 23 चाचण्या झाल्या त्यात दोन पॉझिटीव्ह आले, बार्शीटाकळी येथे तीन चाचण्या झाल्या त्यात कोणाचाही अहवाल पाझिटिव्ह आला नाही, तसेच अकोला मनपा येथे 40 चाचण्या झाल्या त्यात सहा जणांचा अहवाल पॉझिटिव्ह आला, वैद्यकीय कर्मचाऱ्यांपैकी 17 जणांच्या चाचण्या झाल्या त्यात कोणाचाही अहवाल पॉझिटीव्ह आला नाही, शासकीय वैद्यकीय महाविद्यालयात आज चाचण्या झाल्या नाही, अशा प्रकारे दिवसभरात 83 जणांच्या चाचण्या झाल्या त्यात आठ जणांचा अहवाल पॉझिटीव्ह आला. आतापर्यंत जिल्ह्यात 10201 चाचण्या झाल्या असून 516 जणांचे अहवाल पॉझिटीव्ह आले आहेत, असे जिल्हा प्रशासनाने कळविले आहे.
