मुर्तीजापुर (सुमित सोनोने) – संपूर्ण देशात कोरोनाने थयमान घातला आहे. अनेक मजूर वर्ग तसेच छोटे-मोठे व्यवसायिक यांना प्रचंड अपेष्टा सहन कराव्या लागल्या आता सुरु असलेले लॉकडाऊन काही प्रमाणात शिथिलता करण्यात आले.
असले तरीही सामान्य जनतेला अजूनही ही त्रास सहन करावा लागत आहे राज्यातील एसटी बस सेवा बंद असल्याने ग्रामीण भागातील सामान्य जनतेचा दळणवळण व्यवहार ठप्प झाले आहेत त्यामुळे एसटी कर्मचाऱ्यांसह सामान्य जनतेला आर्थिक नुकसानीचा फटका बसत आहे. सामान्य जनतेच्या या समस्येकडे शासनाचे लक्ष वेधण्यासाठी व राज्यातील एसटी सेवा सुरू करण्याकरिता वंचित बहुजन आघाडीचे अॅड. प्रकाश आंबेडकर यांच्या नेतृत्वात राज्यभरातील एसटी बसस्थानकावर डफली बजाव आंदोलन करण्यात आले.दरम्यान आज मुर्तिजापूर शहर येथे बसस्थानक येथे वंचित बहुजन आघाडी मुर्तिजापूर तालुक्याच्या वतीने डफली बजाव आंदोलन करण्यात आले. यावेळी वंचित बहुजन आघाडीचे तालुकाध्यक्ष संजय नाईक, योगिता वानखडे जिल्हा सदस्या, शीलाताई इंगळे ज्येष्ठ नेत्या, मोहन वसुकार, मनोज तायडे प्रसिद्धीप्रमुख सम्यक विद्यार्थी आंदोलन,संजय तायडे मुक्तार भाई मा.उपाध्यक्ष, पंडित वाघमारे, नकुल काटे, तसवर खान, सचिन दिवनाले, सचिन तायडे,अतुल नवघरे,रवी इंगळे, इमरान शेख, संजय झारोडिया, सिद्धू जामनिक आदी कार्यकर्ते उपस्थित होते.
