हिरपूर येथील युवकाचा कुलरचा शॉक लागून मृत्यू

मुर्तिजापुर (सुमित सोनोने)- हिरपुर येथील आयटीआय झालेला हा मुलगा आपल्या आई-वडिलांना शेतीकामात सुद्धा मदत करत होता,सौरभ राजु बंड या २२ वर्षीय तरुणाचा जेवण करत असतांना कुलरचा शॉक लागून मृत्यू झाला.
हिरपूर येथील राजू बंड हे आपल्या पत्नी व मुलासहित शेतावरील काम करून आल्यानंतर दुपारी आपल्या परीवारासोबत कुलरच्या जवळ बसुन जेवण करत असताना मुलगा सौरभ याचा अनावधानाने कुलरला हाताचा स्पर्श झाल्यामुळे जोरदार शॉक लागला वडील लाईन बंद करेपर्यंत मृत्यूने आपला डाव साधला सुद्धा होता. आज सकाळीच त्यांच्या वडिलांनी इलेक्ट्रिशियन जवळ कुलर मध्ये करंट येत असल्याचे सांगितले होते.परंतु सध्या पेरणीची घाई असल्यामुळे कुलर दुरुस्ती करण्याकडे थोडंस दुर्लक्ष केल्यामुळे हा वेळकाढूपणा जीवावर बेतला.अवघ्या दहा दिवसांपुर्वीच सौरभ चा मित्र साहिल शिंदे याने गळफास घेऊन आत्महत्या केली होती.दोघे शेजारी व चांगले मित्र होते.आज अचानक सौरभच्या दुर्दैवी निधनामुळे अवघ्या दहा दिवसात दोन तरुण मुलांचा असा अपघाती मृत्यू झाल्यामुळे संपुर्ण गावामध्ये शोककळा पसरला आहे.