रिधोरा (पंकज इंगळे)- अकोला कडून व्याळा येथे येत असलेल्या दुचाकीला अज्ञात वाहनाने धडक दिल्याची घटना गुरुवारी दुपारी रिधोरा – व्याळा दरम्यान घडली़ यात सोनू वानखडे हा जखमी झाला आहे . तो जखमी अवस्थेत रोडच्या साईटला पडलेला असून रिधोरा येथील नितीन देशमुख व प्रशांत मानकर या दोघांनी त्या दुचाकीस्वार ला जिल्हा रूग्णालयात घेऊन गेले आणि त्यांच्या घरातील लोकांना कळविले आहे .
सोनू वानखडे हा एकटाच दुचाकीने गुरुवारी सकाळी अकोला येथे काही कामाकरिता गेला होता तर दुपारी काम संपल्यानंतर अकोला येथून आपल्या गावाच्या दिशेने रवाना झाला होता . मात्र, वाटेतच रिधोरा – व्याळा दरम्यान अज्ञात वाहनाने त्याच्या दुचाकीला धडक दिली़ यात दुचाकीस्वार रस्त्याच्याकडेला फेकला गेल्याने गंभीर जखमी झाला असून. दुचाकीस्वार सोनू वानखडे याच्या डोक्याला व याच्या हाताला तसेच पायाला खुप मार लागल्याने दुखापत झाली
नागरिकांच्या मदतीने रिधोरा येथील नितीन गडकरी देशमुख व प्रशांत मानकर यांनी जखमी दुचाकीस्वार सोनू वानखडे याला जिल्हा रूग्णालयात नेले व नातेवाईकांना सुध्दा अपघाताची माहिती दिली़ काही वेळातच नातेवाईकांची जिल्हा रूग्णालयात नातेवाईकांची गर्दी झाली होती़ तर जखमी मुलांला पाहून कुटूंबीयांचे डोळे पाणावले होते़
अपघाताची माहिती जखमींच्या कुटूंबीयांसह नातेवाईक व मित्र मंडळींना कळताच त्यांनी जिल्हा रूग्णालयात एकच गर्दी केली़ तसेच सोनू वानखडे त्याचा जिल्हा रूग्णालयात उपचार चालू आहे.
