पोलीसाला चिडणारा वाळूचा टिप्पर व मालक जळगाव जामोद पोलिसांच्या जाळ्यात

जळगांव जा. (प्रतिनिधी)- जलंब मध्ये अवैध रेती वाहतूक करणार्‍या टिप्परने पोलीस कॉन्स्टेबल चिरडले हे वृत्त प्रकाशित होताच पोलिस यंत्रणाआरोपीच्या शोधात कामाला लागली. तसेच जळगाव जामोद पोलिस स्टेशनचे ठाणेदार सुनील जाधव यांना खामगाव येथील अप्पर पोलीस अधीक्षक राजपूत साहेब यांच्या मार्गदर्शनानुसार व सूचनेनुसार जळगाव जामोद चे ठाणेदार सुनील जाधव यांनीसुद्धा नांदुरा पोलिस स्टेशनच्या हद्दीत नवीन येरडी याठिकाणी जाऊन शोध मोहीम सुरू केली. शोध चालू असतानाच एका शेतामध्ये लपवून ठेवलेले टिप्पर व आरोपी गाडी मालक भारत सुधाकर मिरगे यांना सदर ठिकाणाहून जळगाव जामोद पोलीस स्टेशनचे ठाणेदार सुनील जाधव यांनी ताब्यात घेतले तसेच गाडीसह आरोपीला जलंब पोलीस स्टेशनला हजर केले पुढील तपास जलंब चे पोलिस करीत आहेत. ह्या कारवाईने जळगाव जामोद पोलीस स्टेशन चे नाव सर्वत्र चर्चेत आले आहे.