ब्रेकिंग- अकोटात प्रहार जनशक्ती पक्षाच्या जिल्हाध्यक्षावर गोळीबार ,प्रकृती चिंताजनक अकोल्यात उपचार सुरू

अकोला(प्रतिनिधी)- प्रहार जमशक्ती पक्षाचे अकोला जिल्हाध्यक्ष यांच्यावर दहा वाजेच्या दरम्यान हाकेच्या अंतरावर असलेल्या कबुतरी मैदानावर गोळीबार झाल्याची घटना घडली असून याबाबत खळबळ माजली आहे.
याबाबत वृत्त असे आज की जवळपास दहा वाजेच्या दरम्यान अकोटातील कबुतरी मैदानाजवळील दूध डेअरी जवळी अज्ञात दोन जणांनी हिरो होंडा पेंशन प्रो दुचाकी वरून येऊन प्रहारचे जिल्हाध्यक्ष तुषार पुंडकर यांच्यावर देशी कट्ट्याने गोळीबार केल्याची माहिती असून सदर घटना ही नेहमी गजबजलेल्या स्थळावर घडली आहे.उपस्थित नागरिकांनी पुंडकर यांना अकोटच्या ग्रामीण रुग्णालयात उपचारासाठी दाखल केले मात्र प्रकृती चिंताजनक असल्याने त्यांना अकोला हलवण्यात आले अकोल्यात त्यांचा वर आयकॉन हॉस्पिटलमध्ये उपचार सुरू असल्याची माहिती मिळाली असून बरेच मोठे नेते तिथे दाखल झाले आहे तर अकोल्याचे पालकमंत्री तथा राज्यमंत्री बच्चू कडू हे सुद्धा अकोल्याकरिता निघाले असून स्वतः पोलीस अधीक्षक तसेच गुन्हे शाखा अकोटात दाखल होऊन याप्रकाराबाबत चौकशी करणार आहेत.तुषार पुंडकर हे राज्यमंत्री बच्चू कडू यांचे जवळचे निकटवर्तीय आहेत.तर अकोटात तणावाचे वातावरण निर्माण झाले आहे.