नव उद्योजक युवकांना बँकांनी अर्थ सहाय्य कराव,उद्योगी युवक हाच विकासाचा केंद्रबिंदु – विठ्ठल सरप पाटील

अकोला (प्रतिनिधी)- राज्याच्या विकासात तसेच आर्थिक स्रोत उंचावण्यासाठी उद्योगाची नितांत आवश्यकता असून उद्योगी तरुण हाच विकासाचा केंद्रबिंदू आहे असे मत जिल्हा खादी ग्रामोद्योग मंडळ समितीचे अध्यक्ष विठ्ठल सरप पाटील यांनी आज येथे व्यक्त केले.

जिल्हा उद्योग केंद्र व महाराष्ट्र खादी ग्रामद्योग मंडळ अकोला यांच्या वतीने योजनांची माहिती बँकांना व्हावी व अकोला जिल्ह्यामधे रोजगार उपलब्ध व्हावा या साठी सर्व बँक व्यवस्थापक व कर्ज विभाग प्रमुख यांची शहरातील हॉटेल विनस इटरनशनल मधे आयोजीत पंतप्रधान रोजगार निर्मिती योजनेच्या बँक व्यवस्थापकांच्या एकदिवसीय कार्यशाळेत ते अध्यक्ष म्हणून बोलत होते.

कार्यक्रमाची सुरुवात महात्मा गांधी यांच्या प्रतिमेचे पूजन व दीपप्रज्वलन करून झाली.यावेळी व्यासपीठावर जिल्हा उद्योग केंद्राचे महाव्यवस्थापक निलेशजी निकम , आरशेट्टीचे नेतनकर, जिल्हा ग्रामद्योग अधिकारी सौ एन. टी. लवाळे उपस्थित होते. यात सरप पुढे बोलताना म्हणाले की, केंद्रशासनाने पंतप्रधान रोजगार निर्मिती कार्यक्रम (पीएमईजीपी) सुरू केली आहे. सदर योजनेचा मुख्य उद्देश हा स्वयंरोजगार उभारणीस प्रोत्साहन देण्यासाठी सुलभ तत्वावर भांडवल उभारणी करुन देणे हा आहे. यासाठी राष्ट्रीयकृत बँकां मार्फत सदर योजनेअंतर्गत अर्थसहाय्य उपलब्ध करुन देण्यात येते.

यासाठी खादी ग्रामोद्योग आयोग, खादी ग्रामोद्योग मंडळ व जिल्हा उद्योग केंद्र या तीन यंत्रणेमार्फत योजनेची अंमलबजावणी करण्यात येते. तसेच योजनेअंतर्गत सुविधा उत्पादित उद्योग घटकांना कमाल २५ लाखापर्यंत तसेच व्यवसाय-सेवा उद्योग घटकांना कमाल १० लाखापर्यंतचे अर्थसहाय्य बँकामार्फत केले जाते. यासाठी बँकांनी या योजनेस सहकार्य करून उद्योगाचे जाळे जिल्ह्यात निर्माण होण्यासाठी प्रयत्न करणे गरजेचे आहे असे ते म्हणाले, यावेळी स्टेट बँक ऑफ इंडिया, बँक ऑफ महाराष्ट्र, युनियन बँक, ओरिएंटल बँक, सेंट्रल बँक, देना बँक, आयसीआयसीआय बँक, एचडीएफसी बँक,अक्सिस बँक, आयडीबीआय बँक या बँकेचे व्यवस्थापक व कर्ज वाटप अधिकारी उपस्थित होते. कार्यक्रमाचे प्रास्ताविक जिल्हा उद्योग अधिकारी सौ एन. टी. लवाळे यांनी करून संचालन विहार गाडगीळ यांनी तर आभार दिगंबर लोखंडे यांनी मानले.

ताज्या घडामोडींसाठी अवर अकोला न्युज ला भेट द्या

जाहिरात व बातम्यांकरिता-9922390308

व्हॉट्सअ‍ॅपवर ताज्या घडामोडी मिळवण्यासाठी Subscribe करा
व्हॉट्सअ‍ॅपवर बातम्या मिळवण्याकरीता 9765123455 हा नंबर तुमच्या
मोबईलमध्ये अवर अकोला या नावाने सेव्ह करा आणि खालील लिंकवर
क्लिक करून व्हॉट्सअ‍ॅप ग्रुप जॅाईन करा. https://chat.whatsapp.com/D1c3H7jZv7P6gQ176DSpiM