पातूर( सुनिल गाडगे): पातूर शहरातील मुख्य मार्गावर आणि अत्यंत रहदारीच्या संभाजी चौकात असलेल्या मार्केट मध्ये असलेल्या तीन आणि समोर असलेल्या एका दुकानासह चार दुकानात चोरीची घटना बुधवारी मध्य रात्रीनंतर झाली आहे.
यामध्ये साई जनरल स्टोअर्स मधील चिल्लर अडिच हजार, रोख सहा हजार, ज्वेलरी नेकलेस, कॉस्मेटिक सह नऊ हजार रुपयेआणि इतर सौंदर्य प्रसाधन साहित्य असा 25 हजाराचे साहित्य चोरून नेले आहे.
या दुकानाचे संचालक रूपेश देविदास इंगळे हे दुकान रात्री9 वाजता बंद करून घरी गेले ,सकाळी त्यांना माहिती मिळाल्यानंतर दुकानात आले तर अर्धे पेक्षा जादा दुकानाचे शटर बंद होते ,कळी काढून कुलूप बाजूला होते.
याच चाळीतील गणेश केबल नेटवर्क चे आणि श्री. सीदाजी महाराज हिंदू हॉटेल च्या शटर चे कुलूप त्याच पद्धतीने उघडून दुकानात प्रवेश केला, मात्र दोन्ही दुकानात रक्कम नसल्याने अज्ञात चोरट्यांनी हॉटेल मधील पेढ्या,सह इतर मिठाई खाऊन स्वेटर बंद करून ठेवले तर या हॉटेल चे समोर रोडक्रॉस असलेल्या रेणुका फुल भांडार चे कुलुप फोडून आत प्रवेश केला ,मात्र दुकानात नुकसान केले नाही. सदर चोरी ही दिड ते तीन चे सुमारास झाल्याचा अंदाज व्यक्त करण्यात येत आहे या चोरीमुळे व्यापारी भयभीत झाले आहेत. या घटनेची तक्रार रुपेश इंगळे यांनी पातूर पोलीस स्टेशनमध्ये दिली आहे ,पातूर पोलिस यांनी घटनास्थळी दाखल होऊन आढावा घेतला असल्याची माहिती प्राप्त झाली आहे.
सीसीटीव्ही कॅमेरे फूटेज मध्ये चोरट्यांचा शोध घ्यावा संभाजी चौक हा राज्यमार्गावर आहे आणि अत्यंत रहदारी आणि वर्दळ या मार्गावर असते या ठिकाणी सीसीटीव्ही कॅमेरे लावण्यात आले आहेत त्यामुळे ते कॅमेरा फुटेज काढून चोरट्यांचा शोध घेण्याची मागणी या चाळीतील व्यापारी यांचे वतीने रूपेश इंगळे यांनी केली आहे…
