तेल्हाऱ्यात ऐन दिवाळीच्या दिवशीच फ्रिजच्या स्फोटाने मेडिकल जळून खाक,लाखोंचे नुकसान

तेल्हारा(प्रतिनिधी)- चोहीकडे दिवाळीची धामधूम असतांना तेल्हारा शहरातील एका जनरीक मेडीकला अचानक फ्रिजच्या स्फोटाने आग लागल्याने लाखो रुपयांची मेडिसिन जळून खाक झाल्याची घटना आज दुपारी 12 च्या सुमारास शहरात घडली.यामध्ये लाखो रुपयांची मेडिसिन जळून खाक झाली.
तेल्हाराच्या शहरातील विश्वकर्मा सॉ मिल जवळ असलेल्या विशाल जनरीक मेडिकलचे संचालक रोज प्रमाणे दुकानांमध्ये हजर असताना दुकानातील फ्रिजचा अचानक स्फोट होऊन आग लागली फ्रिजला लागलेल्या आगिने सर्व दुकान आपल्या आगीच्या भक्ष्यस्थानी घेत आगीने संपूर्ण मेडिकल आगीने धगधगत असताना तेल्हारा नगर परिषदेच्या अग्निशमन दलाने आग आटोक्यात आणत विझवले मात्र यामध्ये संपूर्ण दुकान हे जळून खाक झाले.यामध्ये दुकानाचे जवळपास 3 लाखांचे नुकसान झाले आहे. दुकानाचे संचालक विशाल जवंजाळ यांनी सहा महिण्यागोदरच फ्रिज घेतला होता नव्या फ्रिजचा स्फोट झाल्याने नवल व्यक्त केल्या जात आहे.विशाल जवंजाळ या युवकाने स्वतःच्या मेहनतीवर पैसे जमवून काही महिन्याअगोदर जनरीक मेडिकल उघडले होते.मात्र आज दिवाळीच्या सणा च्या दिवशी मेडिकलला आग लागल्याने जवंजाळ यांच्यावर आर्थिक संकट ओढवले आहे.
यावेळी आग लागल्याचे समजताच तेल्हारा मेडिकल असोसिएशन चे पदाधिकारी यांनी घटनास्थळ गाठून मेडिकल संचालक विशाल जवंजाळ यांना सहानुभूती देत आर्थिक मदत देउ केल्याचे सांगितले.