मुंबई : सलमान खानचा भारत हा चित्रपट ईदच्या मुहूर्तावर मोठ्या सर्वत्र प्रदर्शित होणार आहे. परंतु, प्रदर्शित होण्यापूर्वीच सलमानच्या या चित्रपटावर टांगती तलवार आहे. सलमान-कॅटरीना कैफ यांच्या मुख्य भूमिका असलेला हा चित्रपट वादात सापडला आहे. भारत या चित्रपटाच्या नावावरून दिल्ली हायकोर्टात जनहित याचिका दाखल करण्यात आली आहे. या याचिकेत म्हटले आहे की, भारत हे नाव देशाचे आहे. त्यामुळे चित्रपटाची कहाणी दाखवणे योग्य नाही. लोकांच्या भावना दुखावण्याची शक्यता आहे.
‘भारत’ या शब्दाचा उपयोग प्रोफेशनल आणि कमर्शियल उद्देशांसाठी केला जाऊ शकत नाही. आता भारत चित्रपटाच्या नावावरून दाखल केलेल्या याचिकेवर काय निर्णय होणार याकडे लक्ष लागून राहिले आहे. जानेवारी, २०१९ मध्ये रिलीज झालेला इमरान हाशमीचा चित्रपट ‘चीट इंडिया’चेही नाव बदलून ‘व्हाय चीट इंडिया’असे करावे लागले होते. मात्र भारत या चित्रपटाचे नावावरून काही बदल करावे लागणार नाही असे काही जाणकारांचे म्हणणे आहे.
अली अब्बास जफरच्या दिग्दर्शनाखाली भारत हा चित्रपट तयार करण्यात आला आहे. भारत देश आणि भारत (सलमान) च्या ७० वर्षांपूर्वीची कहाणी प्रेक्षकांना दाखवण्यात येणार आहे. चित्रपटात सलमान, कॅटरीनासोबत दिशा पटानी, तब्बू, जॅकी श्रॉफ, नोरा फतेही आणि सुनील ग्रोवर यांच्या मुख्य भूमिका आहेत. त्यामुळे याकडे सर्वांच्या नजरा लागल्या आहेत.
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola
