अकोला(प्रतिनिधी)– अकोला शहरासह जिल्ह्यात गेल्या काही महिन्यांपासून हत्या सारख्या घटनांमध्ये वाढ झाली असुन आज डाबकी पोलीस स्टेशन अंतर्गत येणाऱ्या अन्नपूर्णा मंदिरा मागे एका ४५ वर्षीय इसमाची दगडांनी ठेचून हत्या झाल्याने एकच खळबळ उडाली आहे.
अकोला शहरातील डाबकी पोलीस स्टेशन अंतर्गत येणाऱ्या अन्नपूर्णा माता मंदिरा पासून अर्धा किलोमीटर अंतरावर एका इसमाची हत्या झाल्याची माहिती डाबकी रोड पोलिसांना मिळाल्यानंतर पोलिसांनी तत्काळ घटनास्थळ गाठून पंचनामा केला असता मूर्तिजापूर तालुक्यातील किनखेड येथील संतोष पांडुरंग ठाकरे वय ४५ वर्ष या इसमाचा मृतदेह असल्याची बाब समोर आली आहे.सदर इसमाला आरोपींनी दगडाने ठेचून हत्या केल्याची प्रथमदर्शनी पोलिसांकडून सांगण्यात येत आहे.या प्रकरणी स्थानिक गुन्हे शाखा व डाबकी रोड पोलिसांनी तपास चक्रे फिरवली असता सदर हत्या अनैतिक संंबधातून झाल्याची माहिती असून घटनास्थळी पोलीस अधीक्षक राकेश कलासागर,गुन्हे शाखेचे कैलास नागरे,डाबकी पोलीस ठाण्याचे ठाणेदार सोळंके,साहाय्यक पोलीस निरीक्षक खंडारे, पोलीस उप निरीक्षक हर्षल चाफले ,हे कॉ रवींद्र करणकार ,पंकज सूर्यवशी याच्या सह घटनास्थळी मोठा पोलीस ताफा हजर होता.आरोपींना त्वरित अटक करण्यात येईल असे पोलिसांकडून सांगण्यात आले.
अधिक वाचा : वाडेगांव येथील शेख रशीद मिस्त्री यांचा अपघाती मृत्यु
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola
