१९ मार्चला अकोला येथे शेतकरी संघटना राजकीय भुमिका जाहीर करणार

अकोला (प्रतिनिधी)- अगामी लोकसभा निवडणुक कृषी धोरणांवर व शेतकऱ्यांच्या प्रश्नांवर व्हावी या अनुशंगाने येत्या निवडणुकीतील शेतकरी संघटनेची भुमिका १९ मार्च रोजी कुणबी समाज विकास मंडळ,मंगल कार्यालय गोरक्षण रोड अकोला येथे होणाऱ्या शेतकरी संघटनेच्या बैठकी नंतर जाहीर करण्यात येणार असल्याची माहिती शेतकरी संघटनेचे अध्यक्ष अनिल घनवट यांनी प्रसिद्धी पत्रकाद्वारे दिली आहे.

२०१९ च्या लोकसभा निवडणुकीत रा. लो. आघाडी व सं. पु. आघाडी हे मुख्य पर्याय आहेत. इतर काही आघाड्या निवडणुक लढवतील परंतू या पैकी एकही आघाडी समाजवादी व्यवस्था सोडुन शेतकऱ्यांच्या हितासाठी खुल्या व्यवस्थेच्या बाजुने निर्णय घेण्याची शक्यता नाही.

शेतकऱ्यांना खरे स्वातंत्र्य देण्यासाठी स्वतंत्रतावादी विचाराच्या पक्षांचा पर्याय देणे गरजेचे आहे. जे उमेदवार शेतकऱ्यांच्या स्वातंत्र्यासाठी व एकुनच देशाची अर्थव्यवस्था सुधारण्यासाठी शेतकरी संघटनेने पुरस्कृत केलेला जाहिरनामा स्विकारण्यास तयार असतील त्यांना स्वतंत्र भारत पक्षा तर्फे उमेदवारी देण्याचाही निर्णय या बैठकीत होण्याची शक्यता आहे.

सर्वच प्रस्थापित पक्ष शेती विरोधी धोरणे राबवीत आहेत. शेतकर्यांना कर्जातुन मुक्त करणार असे फक्त निवडणुकीत आश्वासन दिले जाते प्रत्यक्षात फसव्या योजना जाहीर केल्या जातात. शेतकऱ्यांनी आपली नाराजी व्यक्त करण्याची व शेतकऱ्यांच्या हिताचे उमेदवार लोकसभेत पाठवण्याची ही संधी आहे. ही निवडणुक शेती धोरणाच्या मुद्द्यावर व्हावी यासाठी शेतकरी संघटना प्रयत्नशिल आहे.सर्व मतदार संघात शेतकर्यांच्या बाजुचे स्तंत्रतावादी उमेदवार उभे रहावेत ही शेतकरी संघटनेची अपेक्षा आहे.

अकोला येथिल बैठकीस शेतकरी संघटना व स्वतंत्र भारत पक्षाच्या सर्व पदाधिकार्यांनी उपस्थित रहावे असे आवाहन शेतकरी संघटनेचे अध्यक्ष अनिल घनवट यांनी केले आहे.शेतकरी संघटना व स्वतंत्र भारत पक्षाचे सर्व महत्वाचे पदाधीकारी १९ मार्च च्या अकोला कार्यकारीणीला उपस्थीत राहून शेतकाऱ्यांच्या बाजूचा काय पर्याय देता येऊ शकतो या दृष्टीने मंथन करणार आहेत. असे प्रवक्ता ललित बहाळे,विदर्भ प्रमुख युवा आघाडी डॉ निलेश पाटील,प.विदर्भ प्रमुख धनंजय मिश्रा,जिल्हा प्रमुख अविनाश नाकट,सोशल मीडिया प्रमुख विलास ताथोड यांनी प्रसिद्धीपत्रकाद्वारे कळविले आहे.

अधिक वाचा : पीक संरक्षणासाठी ‘शेतकरी घंटा’ यंत्र ठरत आहे उपयुक्त

अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.

अवर अकोला ला फेसबुक वर लाईक करा – www.facebook.com/OurAkolaMedia

अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks

अवर अकोला ला ट्विटरवर फॉलो करा – https://twitter.com/ourakola

अवर अकोला ला इन्स्टाग्रामवर फॉलो करा – www.instagram.com/OurAkola