अकोला (प्रतिनिधी) : आईवडिलांचा विरोध झुगारून युवकाबरोबर काही दिवस राहिल्यानंतर युवतीने त्याच युवकाविरुद्ध पोलिस ठाण्यात धाव घेतली आणि बलात्काराचा आरोप केला. या प्रकरणी जुने शहर पोलिस ठाण्यात रात्री उशिरा गुन्हा दाखल करण्यात आला.
शहरातील एका युवतीच्या वडिलांनी डाबकी रोड पोलिस ठाण्यात काही दिवसांपूर्वी 21 वर्षीय मुलगी बेपत्ता असल्याची तक्रार दिली होती. त्यावरून पोलिसांनी हरवल्याची नोंद घेतली होती. दरम्यान युवतीने शहरातीलच राम गणेश इंगळे नामक युवकासोबत राहण्याचा निर्णय घेऊन व नोटरी समक्ष प्रतिज्ञालेखही केला होता. त्यात आईवडिलांपासून तसेच कुटुंबियांपासून दूर राहण्याचा निर्णयही घेतला असून, राम इंगळेसोबत सुखाने राहत असल्याचे नमूद केले होते. असे असताना 10 फेब्रुवारीपर्यंत ती सदर युवकाच्या घरी राहिली. नंतर मात्र ती पुन्हा आईवडिलांकडे गेली व मंगळवारी पालकांसह जुने शहर पोलिस ठाणे गाठले. त्याच युवकाने आपले लैंगिक शोषण केल्याचा आरोप करीत तक्रार दिली. त्यावरून पोलिसांनी सदर युवकाला ताब्यात घेतले व त्याच्याविरुद्ध गुन्हा दाखल केला.
डाबकी रोड ठाणेदारांकडे युवतीने मागितले होते संरक्षण –
डाबकी रोड ठाणेदारांना दिलेल्या अर्जात युवतीने लिहिले होते की, स्वत:च्या मर्जीने 3 डिसेंबर 2018 ला आपला मित्र राम गणेश इंगळे यांचेकडे गेले होते. त्यासाठी कोणत्याही प्रकारची जोरजबरदस्ती नव्हती. आपण स्वेच्छेनेच गेलो होतो. आईवडिलांच्या मानसिक त्रासामुळे आपण घराबाहेर पडल्याचा निर्णय घेतला. राम व मला पोलिस संरक्षण द्यावे, असेही युवतीने अर्जात म्हटले होते. विशेष म्हणजे युवकाने युवतीवर दबाव टाकून लिहून घेतले की युवतीने स्वेच्छेने लिहिले हे पोलिस तपासात समोर येणार आहे.
अधिक वाचा : चिमुकलीवर बलात्कार करणाऱ्या 76 वर्षीय वृद्धाला जन्मठेपेची शिक्षा
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola
