दबंगगिरी आली अंगात,अवैध धंदेवाल्यांना सळो की पळो करणाऱ्या अळसपुरे यांची बदली

अकोला(प्रतिनिधी)- जिल्ह्यातील अवैध धंदेवाल्याना आपल्या धडाकेबाज कारवाईने सळो की पळो करून सोडणाऱ्या जिल्हा पोलिस अधीक्षक यांच्या पथकाचे प्रमुख हर्षराज अलसपुरे यांची आज अचानक बदली करण्यात आली असून त्यांची बदली दहशतवादी विरोधी पथकात करण्यात आली आहे.बदली झाल्याने दबंगगिरी अंगात आल्याचे बोलल्या जात आहे.
गेल्या दोन वर्षांपासून जिल्हा पोलिस अधीक्षक यांच्या विशेष पथकाची धुरा सांभाळणारे हर्षराज अलसपुरे यांची आज अचानक बदली करण्यात आली.त्यांची अकोला दहशतवादी विरोधी पथकात बदली करण्यात आली.गेल्या दोन वर्षांपासून अवैध धंदेवल्याच्या अलसपुरे यांनी नाकी नऊ आणले होते.अकोला जिल्ह्यातील अवैध धंदे चालवणाऱ्याना अलसपुरे यांनी पोलिसिंग दाखवत कुठल्याही दबावाला बळी न पडता आपला झटका दाखवला होता.त्यामुळे अवैध धंदे चालवनाऱ्यांच्या मनात धडकी भरली होती.अकोल्यातील एका बड्या दारू व्यावसायिकाने त्याच्यावर कारवाई झाली म्हणून जोर लावून अलसपुरे यांची बदली केल्याचे बोलल्या जात आहे.
कालच सायंकाळी एम आय डी सी एरिया मध्ये लाखो रुपयांचा गुटखा विशेष पथकाने पकडुन कारवाई केली होती मात्र आज अचानक सकाळी त्यांची बदली झाल्याचे फर्मान निघाल्याने अकोला पोलीस विभागात चर्चेला उधाण आले आहे.जिल्यात मोठं मोठ्या कारवाया करून अलसपुरे यांनी एक वेगळीच छाप सोडली होती.मात्र त्यांची दबंगगिरी त्यांच्या अंगात आली व त्यांची बदली दहशतवादी विरोधी पथकात करण्यात आली.त्यांच्या बदलीने अवैध धंदेवाल्यांच्या गोट्यात हर्षोउल्लास निर्माण मात्र नक्कीच झाला असेल.अलसपुरे यांची कारकीर्द बघता अनेक वेळा कारवाई मध्ये ते वादग्रस्त ठरले होते.

अधिक वाचा : अकोल्यात दहा अवैध सावकारांविरुद्ध गुन्हे दाखल

No Result