तेल्हारा (प्रतिनिधी) : तेल्हारा शहरातील अतिक्रमण धारकाने प्रधानमंत्री आवास योजनेअंतर्गत प्रत्येकाला घर या मार्फत घरकुल मिळावे यासाठी प्रजासत्ताक दिनी उपोषणाचा इशारा दिला होता त्यानुसार आज उपोषणाला सुरुवात केली आहे.

शहरातील वाकोडी रस्ता नवीन तिरुपती नगर सात्काबाद तेल्हारा येथील विक्रीच्या प्लॉट मधील ओपन फेज च्या जागेवर सन २०१०-११ पासून केलेले अतिक्रमण महाराष्ट्र शासनाचे धोरण नुसार व महसूल विभागाच्या अधिकारात असलेल्या कोणत्याही प्रकारचे अतिक्रमण केलेले नियमित करून अशा नागरिकांना शासनाच्या प्रधानमंत्री आवास योजना शहरी घरकुल योजनेचा लाभ सन 2018-2019 या वर्षात देण्यात यावा अशी जिल्हा नगरपरिषद कडे मागणी केली असून याची अंमलबजावणी करण्यात न आल्याने दिनांक 26 जानेवारी रोजी प्रजासत्ताक दिनाचे औचित्य साधून जीवन वानखडे हे तहसील कार्यालयासमोर सकाळी नऊ वाजता उपोषणास बसले आहेत नगरपरिषद कडून कुठल्या प्रकारचे दखल न घेतल्याने मला उपोषणाला बसावे लागत आहे असे जीवन वानखडे यांनी स्पष्ट केले.

हेही वाचा

मा. श्री नितीनजी गडकरी यांच्या हस्ते वर्ल्ड्स फर्स्ट टॉकिंग श्री गजानन विजय ग्रंथ’ च्या अधिकृत वेबसाईटचे लोकार्पण

जिल्हा पोलीस अधीक्षक अर्चित चांडक यांच्या उपस्थितीत तेल्हारा पो.स्टे.चे वार्षिक निरीक्षण

यावेळी तहसीलदार डॉ येवलीकर यांनी उपोषण स्थळी भेट देऊन उपोषण कर्त्याचे म्हणने ऐकून घेतले व शासन स्तरावर तुमचा प्रश्न सोडवण्यासाठी पर्यन्त करू असे सांगितले.