अकोला (प्रतिनिधी) – रिलायन्सचे भूमिगत केबल टाकताना निश्चित केलेला दंड न स्वीकारता दंडाची रक्कम कमी केल्याने मनपाचे तीन कोटीचे आर्थिक नुकसान झाले आहे. स्थायी, महासभेची परवानगी न घेता, हा निर्णय घेणारे तत्कालीन आयुक्त तसेच बांधकाम विभागातील कर्मचाऱ्यांच्या वेतनातून ही रक्कम कपात करावी, अशी मागणी सभागृह नेत्या यांनी महापौरांकडे केली आहे.
शहरात २०१३-२०१४ रोजी रिलायन्स कंपनीचे भूमिगत केबल टाकण्याच्या कामाची परवानगी मागितली. प्रथम ही परवानगी नाकारली. त्यानंतर २०१४ मध्ये तत्कालीन आयुक्त डॉ.महेंद्र कल्याणकर यांनी ८८ किलोमीटर लांबीची केबल टाकण्यासाठी १२ कोटीचे शुल्क आकारल्या नंतर कामाला मंजुर दिली. यापैकी ५८ कि.मी.ची केबल टाकल्या नंतर अनेक नगरसेवकांनी या कामाबाबत तक्रारी केल्या. त्यामुळे ३० कि.मी. केबल टाकण्याचे काम थांबवले. दरम्यान कल्याणकर यांची बदली झाली. त्या नंतर सोमनाथ शेटे आले. त्यांच्या कार्यकाळात हे प्रकरण पेंडिग होते. त्यांच्या बदलीनंतर २०१५ ला अजय लहाने आयुक्त म्हणून रुजु झाले. त्यांच्या कार्यकाळात रिलायन्सने ३० किलोमीटर केबल टाकण्याची परवानगी मागतील. प्रशासनाने रस्ता क्रॉसींगचा खर्च, दंड असे ७ कोटी ६९ लाख भरण्याचे आदेश दिले. परंतु रिलायन्स कंपनीने ३० पैकी १७, त्यानंतर १५ कि.मी.ची केबल टाकण्याची परवानगी मागीतली. दरम्यान लांबी कमी झाल्यानंतर दंड रस्ता क्रॉसींगचे शुल्क भरावेच लागणार होते. तत्कालीन कार्यकारी अभियंत्यांंनी रिलायन्स दंड भरण्यास तयार नसल्याची नोटशिट चालवली. त्यानंतर रिलायन्स कडून ३ कोटी, विलंब शुल्क १३ लाख माफ केले. यावर कार्यकारी अभियंता, शहर अभियंता, आयुक्तांनी स्वाक्षऱ्या केल्या. हा निर्णय घेताना स्थायी अथवा महासभेची मंजुरी घेणे गरजेचे होते. परंतु तशी परवानगी न घेता, सुट दिली. यामुळे मनपाला ३ कोटीचे नुकसान सहन करावे लागले. ही बाब मनपाला परवडणारी नसल्याने शुल्क परस्पर माफ करणारे तत्कालीन आयुक्त, कार्यकारी अभियंता, शहर अभियंत्यांच्या वेतनातून ही रक्कम कपात करावी, अशी मागणी गिताजंली शेगोकार यांनी केली आहे.
लेखा परीक्षणामध्येही ओढण्यात आले ताशेरे
महालेखाकार नागपूर यांच्या चमूने २०१७-२०१८ च्या केलेल्या लेखा परीक्षणात रिलायन्सच्या केबल टाकण्याच्या कामात दंड माफ केल्या बाबत ताशेरे ओढले आहेत. ही बाबही महत्त्वाची.
विहीर गाळ घोटाळाप्रकरणी अखेर कनिष्ठ अभियंत्यावर केली कारवाई
विहिरीतील गाळ घोटाळा प्रकरणी अखेर कनिष्ठ अभियंत्यावर कारवाई करण्यात आली. कनिष्ठ अभियंता हा मानसेवी कर्मचारी असल्याने मानसेवी कर्मचाऱ्यांच्या मुदत वाढीच्या यादीतून त्याचे नाव वगळण्यात आले. परंतु या फाइलवर स्वाक्षऱ्या करणारे सर्व वरिष्ठ अधिकारी मात्र वाचले. तसेच अद्याप या प्रकरणात एफआयआरही दाखल झाला नाही.
या संदर्भात सूत्रांकडून देण्यात आलेल्या माहितीनुसार पाणी टंचाईच्या काळात विहिरीतील गाळ काढून त्या पुनर्जीवित करण्याचा निर्णय महापालिकेने घेतला होता. हे काम कंत्राटदारांकडून करुन घेण्यात आले. याच अनुषंगाने देवराव बाबा चाळीतील विहिरीचा गाळ काढण्याचे काम एका कंत्राटदाराला देण्यात आले. कंत्राटदाराने गाळ काढला, त्यानंतर आता देयकाची फाइल चालवण्यात आली. देयकाच्या फाइलवर सर्व अधिकाऱ्यांच्या स्वाक्षऱ्या झाल्या नंतर आयुक्तांच्या अंतिम स्वाक्षरीसाठी ही फाइल त्यांच्याकडे गेली. फाइलचा अभ्यास केल्या नंतर पाच ते सात मीटरचा गाळ काढलेलाच नसताना गाळ काढल्याचे दर्शवून देयक सादर करण्यात आल्याची बाब आयुक्तांच्या लक्षात आली. विशेष म्हणजे या फाइलवर कनिष्ठ अभियंत्यापासून ते कार्यकारी अभियंत्या पर्यंत सर्वांच्या स्वाक्षऱ्या होत्या. या प्रकरणात एफआयआर दाखल करण्याचा प्रशासनाचा मानस होता. मात्र एफआयआर दाखल न करता मानसेवी असलेल्या कनिष्ठ अभियंत्याला मुदतवाढ न देण्याचा निर्णय प्रशासनाने घेतला.
कनिष्ठ अडकला, वरिष्ठ सुटले
विहिरीतील गाळ काढण्याच्या फाइलवर कनिष्ठ अभियंता, उपअभियंता, कार्यकारी अभियंता, लेखा विभाग, उपायुक्त आदींच्या स्वाक्षऱ्या आहेत. मात्र या फाइल मधील विहिरीतील गाळ घोटाळा कोणाच्याही लक्षात आला नाही. त्यांनी चुकीच्या फाइलवर स्वाक्षऱ्या केल्या. त्यामुळे कनिष्ठ अभियंत्यांसोबत ज्या वरिष्ठ अधिकाऱ्यांनी देयक मंजुरीवर स्वाक्षऱ्या केल्या, ते अधिकारीही जबाबदार आहेत. मात्र या प्रकरणात केवळ कनिष्ठ अभियंत्यावरच कारवाई झाली.
पदवी कोणती, काम करतात कोणते ?
महापालिकेत मानसेवी तसेच कायमस्वरुपी कर्मचारी यांच्याकडे पदवी कोणत्या विषयाची असते अथवा त्यांची मुळ आस्थापना वेगळ्याच विभागात असते त्यांना वेगळ्याच विभागात काम करावे लागते. पाणी पुरवठा विभागात कार्यरत कनिष्ठ अभियंता हा सिव्हिल इंजिनिअर नव्हता तर मेकॅनिकल इंजिनिअर आहे, अशी माहिती मिळाली आहे. मॅकेनिकल इंजिनिअरकडे पाणी पुरवठा विभागाचे काम सोपवले होते.
अधिक वाचा : मनपाच्या तत्कालीन आयुक्तांसह शहर अभियंत्यावर कारवाई होण्याची शक्यता
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola
