मुंबई : अभिनेत्री कंगना रणौत हिची मुख्य भूमिका असणाऱ्या ‘मणिकर्णिका- द क्वीन ऑफ झाँसी’ या चित्रपटाचा ट्रेलर नुकताच प्रदर्शित करण्यात आला आहे. ‘बाहुबली’ आणि ‘भाग मिल्खा भाग’ या चित्रपटांच्या लेखकांच्या लेखणीतून साकारलेला ‘मणिकर्णिका…’चा हा ट्रेलर अवघ्या काही मिनिटांमध्येही चित्रपटाचा थरार नेमका कसा असेल याची कल्पना देत आहे.
अभिनय, सहकलाकारांची साथ, तगडे संवाद आणि भव्य सेट असं सारं गणित जुळून आलं असून, कथानक साकारत दिग्दर्शकाने घेतलेली मेहनतही या ट्रेलरमध्ये पाहायला मिळत आहे. महिला सक्षमीकरणाचा मुद्दा हा पूर्वापार चालत आलेला असून त्याच्याकडे पाहण्याचे दृष्टीकोन आणि परिस्थिती तेवढी बदलली आहे हे ट्रेलर पाहता लक्षात येतं.
#ManikarnikaTrailer makes a strong impact… #Manikarnika – The Queen Of Jhansi stars Kangana Ranaut in the lead… Directed by Radha Krishna Jagarlamudi and Kangana Ranaut… 25 Jan 2019 release… Link: https://t.co/OXxApUKVZC
— taran adarsh (@taran_adarsh) December 18, 2018
कंगनाने ज्या कौशल्याने राणी लक्ष्मीबाई यांचं पात्र साकारलं आहे ते पाहता तिचा लूक आणि अभिनयाची अनेकांनीच प्रशंसा केली आहे. अतुल कुलकर्णी, अंकिता लोखंडे यांसह इतरही सहकलाकारांचा अभिनय या ट्रेलरमध्ये पाहायला मिळत आहे. एक आई, योद्धा, मुलगी ज्यावेळी जिद्दीला पेटते तेव्हा ती सर्वांच्या वरचढ ठरते याची प्रतिची ट्रेलर पाहताना लक्षात येत आहे. ‘आपको राज करना है और मुझे अपनोंकी सेवा’, असं म्हणणाऱ्या झाशीच्या राणीची संघर्षगाथा आता प्रेक्षकांच्या मनावर राज्य करणार का हे २५ जानेवारी २०१९ नंतरच स्पष्ट होणार आहे.
अधिक वाचा : मणिकर्णिका : डॅनी डेन्झोप्पाचा फर्स्ट लूक प्रदर्शित
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola
