अकोला (प्रतिनिधी) : कंत्राटी कामगार पुरवण्या बाबतच्या विषयावरुन मनपा स्थायी समितीच्या सभेत सोमवारी चांगलाच गदारोळ झाला. भारिप बहुजनच्या नगरसेविका धनश्री अभ्यंकर देव यांनी या विषयावर आक्षेप घेत, हा विषय रद्द करण्याची मागणी केली. त्यामुळे सभागृहात चांगलेच वातावरण तापले होते. तरीही इतर नगरसेवकांनी या विषयाला मंजुरात दिल्याने हा विषय सोमवारी सभागृहात मंजूर झाला.
महापालिकेची स्थायी समितीची सभा आज सभापती विशाल इंगळे यांच्या अध्यक्षतेखाली सुरू झाली. या सभेचे सचिव उपायुक्त अनिल बिडवे यावेळी उपस्थित होते. सभेचे विषय वाचत असतानाच पहिल्याच मुद्द्यावर विरोधी पक्षाच्या नगरसेवकांनी त्याला विरोध दर्शविला. मागील स्थायी समिती सभा २९ सप्टेंबर रोजी झाली होती. या सभेचे वृत्त कायम करण्यासंदर्भात नगरसेवकांना विचारणा करण्यात आल्यानंतर त्यावर काँग्रेसचे नगरसेवक मोहम्मद इरफान यांनी आक्षेप घेतला. त्यांच्यापाठोपाठ भारिप-बहुजन महासंघाच्या नगरसेविका धनश्री देव व राष्ट्रवादी काँग्रेसच्या नगरसेविका उषा विरक यांनीही या विषयावर विस्तृत चर्चा करण्याची मागणी केली. त्यापाठोपाठ सेना व भाजपच्या नगरसेवकांनी हा विषय मंजूर करावा, अशी मागणी रेटून धरल्याने सभागृहाने हा विषय मंजूर केला. शिवाय, कंत्राटी कामगार पुरविणे बद्दलही सत्ताधारी आणि विरोधकांमध्ये एकमत होऊ शकले नाही.
मनपाच्या जलप्रदाय विभागाचे उपायुक्त मुंगी यांना रेल्वे प्रशासनाची अमृत योजनेत करण्यात येणाऱ्या कामांची परवानगी घेतली का व त्यासंदर्भात त्यांच्याकडे शुल्क भरलं का? असे विचारून आपण सर्वसाधारण सभेत व स्थायी समिती सभेत चुकीची माहिती देत आहे, असा आरोप नगरसेविका धनश्री देव यांनी केला. तसेच अधिकारी नगरसेवकांना चुकीची माहिती देत असून त्यांच्यावर कारवाईची मागणी केली. यानंतर बोडणा स्वच्छता मिशनसाठी पोकलेन मशीन खरेदी बाबतच्या विषय सभागृहाने मंजूर केला. यासोबतच अकोला महापालिकेच्या सन दोन हजार सतरा अठराचे वार्षिक लेखी महाराष्ट्र मनपा अधिनियमाचे कलम ९४ स्थायी समितीकडे मंजूर करून घेण्यात आले. यानंतर सभापतींच्या परवानगीने वेळेवर घेण्यात येणाऱ्या विषयांवर सभागृहात चर्चा करण्यात आली.
अधिक वाचा : प्रहार जनशक्ती पक्षाने शेतकऱ्यांच्या मागण्या पूर्ण करण्यासाठी केले ठिय्या आंदोलन
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola