अकोला(शब्बीर खान)- टॉवर चौकात अतिक्रमण हटविण्यासाठी गेलेल्या महापालिकेच्या अतिक्रमण निर्मूलन पथकावर अतिक्रमकांनी दगडफेक करून मनपा कर्मचाऱ्यांना मारहाण करण्याची घटना सोमवारी टॉवर चौकात घडली. याप्रकरणी मारहाण करणाऱ्या फूल विक्रेत्यांविरोधातील पोलीस तक्रार मागे घेण्यासाठी काँग्रेसच्या नगरसेवकांनी चांगलीच धावाधाव केली. अखेर मनपा कर्मचाऱ्यांना विनंती करून माफीनामा लिहून देण्याची वेळ काँग्रेसच्या नगरसेवकांवर आल्याची माहिती आहे. शहरातील मुख्य रस्त्यांवर बिनदिक्कतपणे व्यवसाय थाटणाऱ्या अतिक्रमकांमुळे अकोलेकर वैतागले आहेत. मुख्य बाजारपेठसह रस्त्यांलगत ठिकठिकाणी लघु व्यावसायिक, फे रीवाल्यांनी विविध साहित्य विक्रीची दुकाने थाटली आहेत. वाढत्या अतिक्रमणाला कंटाळलेल्या अकोलेकरांचा रोष पाहता महापालिकेच्या अतिक्रमण निर्मूलन पथकाच्यावतीने दररोज मुख्य मार्गावरील अतिक्रमकांना हुसकावण्याची कारवाई केली जात आहे.
सोमवारी टॉवर चौकातील एसबीआयच्या आवारभिंतीलगत फूल विके्रत्यांची दुकाने हटविण्याची कारवाई सुरू असताना एका व्यक्तीला जेसीबीचा धक्का लागला. त्यामध्ये सदर इसमाच्या कानाला दुखापत झाली. निमित्त साधून इतर फूल विके्रत्यांनी अतिक्रमण निर्मूलन पथकातील कर्मचाºयांवर दगडफेक करून मारहाण केली. या मारहाणीत कर्मचाºयांना किरकोळ मार लागला. शासकीय कामात अडथळा निर्माण केल्याप्रकरणी संबंधित मनपा कर्मचाºयांनी फूल विक्रेत्यांविरोधात तक्रार देण्यासाठी सिव्हिल लाइन पोलीस ठाणे गाठले. त्यावेळी काँग्रेसच्या चार नगरसेवकांनी धाव घेऊन प्रकरण आपसात घेण्यासाठी प्रयत्न केले. आधी दबाव नंबर माफीनामा – टॉवर चौकात काँग्रेसच्या विद्यमान नगरसेविकेच्या पतीने मनपा कर्मचाऱ्यांवर दबावतंत्राचा वापर केलावापर केला.
सिव्हिल लाइन पोलीस ठाण्यात आणखी तीन नगरसेवकांनी धाव घेऊन तक्रार मागे घेण्यासाठी सुरुवातीला दबाव आणला. तरीही कर्मचारी तक्रारीवर ठाम असल्याचे पाहून अखेर संबंधित फूल विक्रेत्यांनी माफीनामा लिहून दिल्याची माहिती आहे. कार्रवाई सुरुच राहणार – शहराच्या गल्लीबोळात चक्क रस्त्यांवर अतिक्रमकांनी दुकानांचा बाजार मांडला आहे. यामुळे रस्त्यावरून धड चालणेही मुश्कील झाले आहे. वाहतूक विस्कळीत होण्याचे प्रमाण वाढले आहे. या सर्व बाबी लक्षात घेता शहरात अतिक्रमण हटाव मोहीम सुरूच राहणार असल्याचे अतिक्रमण विभाग प्रमुख नरेंद्र घनबहाद्दूर यांनी स्पष्ट केले आहे.
अधिक वाचा : गणेश विसर्जन मार्गाची जिल्हाधिकारी आस्तिक कुमार पाण्डेय यांनी केली पाहणी
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola
