जिल्ह्यात पावसाची शक्यता हवामान केंद्राचा अंदाज

अकोला : नागपूर येथील प्रादेशिक हवामान विभागाने अकोला जिल्ह्यात आजपासून दि. 25 जुलैपर्यंत पाऊस पडण्‍याची शक्‍यता वर्तवली आहे. वीज व पावसापासून बचावाकरीता सुरक्षित ठिकाणी आश्रय घेण्‍यात यावा. अशा स्थितीत झाडाखाली आश्रय घेऊ नये. या कालावधीत रस्त्याचे अंडरपास, नाल्या, खड्डे, सखल भाग किंवा पाणी साठते अशा जागेवर जाणे टाळावे. पूर आलेल्या पुलावरून जाऊ नये. जनावरांना झाडांना किंवा वीजेच्या तारेखाली बांधू नये. वीज चमकताना मोबाईल व वीज उपकरणे बंद ठेवावी. वाहन वीजेच्या खांबापासून दूर ठेवावे. पूर आलेल्या रस्त्यावरून वाहन चालवू नये, आदी सूचना देण्यात आल्या आहेत.