अखेर कोव्हिड चे मूळ सापडले! इथून सुरू झाले जगात मृत्यूचे तांडव…

डिसेंबर २०१९ च्या अखेरीस या मार्केटमध्ये रकूनसारखे जंगली प्राणी विक्रीला ठेवले होते, हे स्पष्ट झालेले आहे. “हे प्राणी ज्या ठिकाणी मिळून आले त्याच ठिकाणी कोव्हिड १९साठी कारणीभूत ठरणारा SARS CoV 2 हा व्हायरस मिळून आला आहे,” असे या पेपरमध्ये म्हटले आहे. संशोधक फ्लोरेन्स डेबारे म्हणाले, “या व्हायरसमधील सुरुवातीची विविधता या मार्केटमधून दिसून आली आहे. त्यामुळे येथून कोव्हिडचा उद्रेक सुरू झाला असा निष्कर्ष काढता येतो.”

कोव्हिड फैलावण्याच्या दोन शक्यता

या संशोधनातून दोन शक्यता व्यक्त होत आहेत. एक म्हणजे ‘कोव्हिड’ने बाधित झालेला प्राणी या बाजारात आणला गेला असेल, आणि तेथून माणसांना याची लागण होण्यास सुरुवात झाली. तर दुसरी शक्यता अशी आहे की एखाद्या व्यक्तीला ‘कोव्हिड’ ची बाधा झाली. असेल आणि तो या बाजारात आला, आणि कोव्हिडचा फैलाव सुरू झाला. जीवशास्त्रज्ञ मायकल वोरोबे म्हणतात, “कोव्हिड ची बाधा झालेले प्राणी त्या काळात या बाजारात नव्हते, असे आता म्हणता येणार नाही. त्यांचे डीएनए आणि आरएनए तेथे होते, हे स्पष्ट झालेले आहे.”