तेल्हारा(प्रतिनिधी)- शहरातील मुस्लिम बांधवांना कब्रस्तान मध्ये जान्या येण्या करिता जो रस्ता आहे त्या रस्त्याची अत्यंत दयनीय अवस्था झाली असून सदर नाल्यातील रस्त्यावर चिखल व खोल वाटा असल्यामुळे मुस्लिम बांधवांना अनेक समस्यांना तोंड द्यावे लागत आहे तसेच मुस्लिम बांधवांना कब्रस्तान मध्ये अंत्यविधी व विविध धार्मिक विधीसाठी जाण्यासाठी मोठी कसरत करावी लागत असून अंत्यविधी करिता मुस्लिम बांधवांना ट्रॅक्टरचा उपयोग करावा लागत आहे. कब्रस्तान रस्त्याचा प्रश्न तात्काळ मार्गी लागावा याकरिता रस्ता विकास संघर्ष समितीच्या वतीने 5 सप्टेंबरला धरणे आंदोलन करण्यात आले होते. आंदोलनास्थळी तेल्हारा पालिकेचे कर्तव्यदक्ष मुख्याधिकारी सतीश गावंडे यांनी भेट देऊन शहरातील सर्वात महत्त्वाचा प्रश्न असून तो आपण मार्गी लावू असे आश्वासन देऊन सदर रस्त्याबाबत सभेमध्ये ठराव घेऊन इस्टिमेट सुद्धा तयार केले होते. परंतु शासन निधी अभावी कब्रस्तानच्या रस्त्याचा प्रश्न रेंगाळत पडल्याचे दिसून येत आहे.
तेल्हारा शहरातील कब्रस्तान मध्ये जाणाऱ्या रस्त्यांवर सर्वत्र चिखल झाल्यामुळे व चिखलात पाय फसत असल्यामुळे सदर रस्त्याची अत्यंत दयनीय अवस्था झाली. असून या रस्त्यांमधून मार्ग काढणे कठीण झाले आहे मुस्लिम बांधवांना अंत्यविधी व विविध धार्मिक कार्याकरिता या रस्त्यांमधून मार्ग काढणे कठीण झाल्यामुळे अंत्यविधी करिता आता ट्रॅक्टर व इतर वाहनांचा उपयोग करावा लागत आहे त्यामुळे या सर्वात मोठ्या समस्यांकडे नगरपालिका तसेच शासन प्रशासन व लोकप्रतिधींनी लक्ष द्यावे अशी मागणी होत आहे. शेतकरी बांधवांना सुद्धा कब्रस्तान कडे जाणारा रस्ता शेती करिता अत्यंत महत्त्वाचा असून शेता मध्ये जाण्याकरिता या रस्त्यांची शेतकरी बांधवांना सुद्धा आवश्यकता आहे त्यामुळे शासनाने तेल्हारा शहरातील सर्वात मोठी समस्या असलेल्या या रस्त्याकडे लक्ष देऊन रस्त्याचा प्रश्न मार्गी लावावा अशी मागणी होत आहे.
मुस्लिम बांधवांचा वाली आहे काय कोणी ?
कब्रस्तान मध्ये जाण्याकरिता जो रस्ता आहे त्या रस्त्याची अत्यंत दयनीय अवस्था झाली आहे हा रस्ता दुरुस्त व्हावा याकरिता अनेक महिन्यांपासून शासन दरबारी पाठपुरावा करण्यात आला परंतु सदर रस्त्याचा प्रश्न मार्गी लागला नाही अशा गंभीर प्रश्नाकडे शासनाने दुर्लक्ष केल्यामुळे आम्हा सर्व मुस्लिम बांधवांचा वाली आहे तरी काय कोणी ? असा प्रश्न आम्हाला पडला असून आम्ही या शहराचे रहिवासी आहो की नाही हे शासनाने एक वेळा जाहीर करून टाकावे व जातिभेद न करता राष्ट्रीय एकात्मता जोपासून कब्रस्तानच्या रस्त्याचा प्रश्न शासनाने तात्काळ न सोडविलास यापुढे मोठे आंदोलन करण्यात येईल.
