अकोला(प्रतिनिधी)- शेतकऱ्यांनी बँकेकडून कर्ज काढून तसेच प्रसंगी सावकाराला हातपाय जोडून कर्ज काढून घरातले सोने गहाण ठेवून शेतीची पेरणी केली, आणि त्या पेरणीवर वन्य प्राण्यांनी कळपचे कळप घुसून उगवलेलं पीक उध्वस्त करत आहेत. उगवलेली कोवळी पिके वन्य प्राण्यांनी नष्ट केली आहेत. त्यामुळे आता दुबार पेरणीची स्थिती शेतकऱ्यावर आली आहे. त्यामुळे शेतकरी यासाठी पैसे कुठून आणणार.? शेतकऱ्यांना आधार देण्यासाठी नुकसान झालेल्या शेती पिकांचा पंचनामा करून त्यांना त्वरित आर्थिक मदत जाहीर करावी अशी मागणी वनविभाग आणि जिल्हाधिकारी यांना निवेदन देऊन केली आहे.
हरणी, रोही, रानडुक्कर, अनेक जंगली प्राणी शेतीत घुसून शेतीत आलेली कोवळी पीकांची नासाडी करून उध्वस्त करत आहे नुकसान झालेल्या शेतकऱ्यांना नुकसान भरपाई मिळावीयासाठी सम्राट अशोक सेनेकडून मागणी करण्यात आली आहे. अगोदरच निसर्गाच्या लहरपणामुळे हातबल असलेला शेतकरी वन्य प्राण्यांच्या उपद्रव्यामुळे हैराण झाला आहे,संकटात आला आहे आता त्यांच्यासमोर आणखी एक नवीन संकट उभा राहिला आहे जिल्ह्यातील अनेक भागात उगवलेले कोवळी पिकं,हरणी,रोही,रानडुक्कर,आदि वन्यप्राणी नासधूस करत पिके फस्त करत आहे.
क्षतीग्रस्त केलेली पीके एक टक्काही कामी येत नाहीत. वन्यप्राणी शेतीमाल मातीमोल करतात व शेतकऱ्याला त्याकडे उघड्या डोळ्याने पाहण्याशिवाय दुसरा पर्याय नसतो. यामुळे शेतकऱ्यांचे प्रचंड पिकाचे नुकसान होत आहे, त्यामुळे या शेतकऱ्यांवर दुबारपेरणीचे संकट ओढवले आहे. आणि वन्य प्राण्याचा बंदोबस्त केला पाहिजे जेणेकरून शेतकऱ्यांना आत्महत्या करण्याची परिस्थिती निर्माण होणार नाही सरकारने शेतकऱ्याला तात्काळ मदत जाहीर करावी अशी सम्राट अशोक सेनेकडून मागणी केली जात आहे. यावेळी महाराष्ट्र राज्य सम्राट अशोक सेनाअध्यक्ष आकाश शिरसाट, ज्येष्ठ नेते जी.पी.सावंग, मनोज शिरसाट, देवेश पातोडे,राजकुमार शिरसाट, युवराज शिरसाठ, गणेश शिरसाठ, शुभम गोपनारायण, मनोज इंगळे, सिद्धू मेश्राम, नागसेन शिरसाट, साहिल गोपनारायण,मोहित मोहोळ,अनिकेत इंगळे,आदीसह अनेक कार्यकर्ते उपस्थित होते.
