अकोला : अकोल्यात धक्कादायक प्रकार समोर आला आहे. एका अल्पवयीन मुलीवर गावगुंडाकडून अमानुष अत्याचार झाल्याचा संतापजनक प्रकार उघडकीस आला आहे. याप्रकरणी गणेश कुमरे याला अटक करण्यात आली आहे. सूत्रांनी दिलेल्या माहितीनुसार, अकोल्यातील गावगुंड गणेश कुमरे याने एका अल्पवयीन मुलीवर अमानुष अत्याचार केल्याचे समोर आले आहे. त्याने मुलीवर अत्याचार केले. त्यानंतर सिगारेटचे चटके देत विविस्त्र करुन धिंड काढण्याचा प्रयत्न केला. याप्रकरणी त्याला पोलिसांनी अटक केली आहे. पोलिस पुढील तपास करत आहेत.
कायदा सुव्यवस्था राखण्यात गृहमंत्री अपयशी
अकोलामध्ये झालेल्या प्रकारावरून गृहमंत्री देवेंद्र फडणवीस यांच्यावर निशाणा साधत म्हणाल्या आहेत की, या गुंडावर फास्ट ट्रॅक कोर्टात खटला चालवून त्याला कठोरात कठोर शिक्षा होणे गरजेचे आहे. त्यांनी आपल्या ‘X’ पोस्टमध्ये म्हटलं आहे की, “अकोला येथील एका गुंडाने एका चौदा वर्षांच्या मुलीचे मुंडन करुन तिला सिगारेटचे चटके देत तिच्यावर लैंगिक अत्याचार केल्याची घटना उघडकीस आली आहे. याप्रकरणी खदान पोलीसांनी त्या नराधमास अटक करुन त्याच्यावर गुन्हे दाखल केले आहेत. एका गावगुंडाची मुलीची विटंबना करुन तिच्यावर अत्याचार करण्यापर्यंत मजल जाते हे अतिशय संतापजनक आहे. कायदा सुव्यवस्था राखण्यात गृहमंत्री सपशेल अपयशी ठरल्याचा हा परिणाम आहे. या गुंडावर फास्ट ट्रॅक कोर्टात खटला चालवून त्याला कठोरात कठोर शिक्षा होणे गरजेचे आहे. शासनाने त्या दृष्टीने आवश्यक पावले उचलून त्या दृष्टीने उचित कार्यवाही करावी.”
