अकोला,दि.23 : जागतिक कौशल्य स्पर्धा दर दोन वर्षांनी होत असते. व्यावसायिक शिक्षण आणि कौशल्य उत्कृष्टता स्पर्धा सन 2024 मध्ये ल्योन (फ्रान्स) येथे होणार आहे. या स्पर्धेत जिल्ह्यातील पात्र युवक युवतींनी मोठ्या प्रमाणात सहभागी होऊन आपल्या कौशल्यांचे सादरीकरण करण्यासाठी नोंदणी करावी, असे आवाहन जिल्हा कौशल्य विकास रोजगार व उद्योजकता मार्गदर्शन केंद्राचे सहायक आयुक्त द. ल. ठाकरे यांनी केले आहे.
जागतिक कौशल्य स्पर्धेच्या नोंदणीसाठी https://kaushalya.mahaswayam.gov.in लिंक देण्यात आली आहे. अधिक माहितीसाठी सहायक आयुक्त, जिल्हा कौशल्य विकास, रोजगार व उद्योजकता मार्गदर्शन केंद्र, दुसरा माळा, प्रशासकीय इमारत,जिल्हाधिकारी कार्यालय परिसर अकोला, यांचेकडे प्रत्यक्ष अथवा दूरध्वनी 0724-2433849 तसेच भ्रमणध्वनी क्र. 9665775778 यावर संपर्क करावा, असे आवाहन सहायक आयुक्त,जिल्हा कौशल्य,रोजगार व उद्योजकता मार्गदर्शन केंद्र द. ल. ठाकरे यांनी केले आहे.
