अकोला :- मा. पोलीस अधीक्षक श्री जी. श्रीधर यांचे मार्गदर्शनाखाली स्थानिक गुन्हे शाखा, अकोला येथे अकोला जिल्हांतर्गत पो.स्टे. अभिलेखावर नोंद असलेले गहाळ मोबाईल शोधकामी नापोकॉ. शेख अयाज, उमेश सुगंधी, निलेश खंडारे, रवी खंडारे यांचे एक विशेष पथक तयार करण्यात आले असुन सदर पथकामार्फत अभिलेखावरील गहाळ असलेले मोबाईलचा शोध घेणे बाबत आदेशीत केले आहे.
त्याअनुषंगाने सदर पथकाने दिनांक ०१.०९.२०२२ ते दिनांक २७.०९.२०२२ पावेतो अकोला जिल्हांतर्गत पो. स्टे. अभिलेखावरील नोंद असलेले ६, १२,८९९/- रू किंमतीचे एकुण ३६ मोबाईलचा शोध घेतला असुन सदर सर्व मोबाईल हे संबंधीत पो.स्टे. ला पुढील कार्यवाहीस्तव सोपविण्यात आले आहेत. अशाच प्रकारे अजुन अकोला जिल्हांतर्गत पो.स्टे. अभिलेखावर नोंद असलेले गहाळ मोबाईलचा शोध घेणे सुरु आहे.
सदरची कार्यवाही ही मा. पोलीस अधिक्षक सा. श्री जी. श्रीधर, अपर पोलीस अधिक्षक मॅडम श्रीमती मोनिका राउत यांचे मार्गदर्शनाखाली पोलीस निरीक्षक, संतोष महल्ले, स्थागुशा, अकोला, नापोकॉ. शेख अयाज, उमेश सुगंधी, निलेश खंडारे, रवी खंडारे, सायबर पोलीस स्टेशन येथील पोकॉ. कुंदन खराबे यांनी केली आहे.
