अकोला,दि.6: सार्वजनिक क्षेत्रातील शासकीय – निमशासकीय तसेच खाजगी क्षेत्रातील आस्थापनांना मनुष्यबळाचे त्रैमासिक विवरणपत्र ‘महास्वंयम’ या संकेतस्थळावर ऑनलाईन पद्धतीने सादर करणे बंधनकारक आहे, असे जिल्हा कौशल्य विकास , रोजगार व उद्योजकता मार्गदर्शन केंद्र सहायक आयुक्त द. ल. ठाकरे यांनी कळविले आहे.
सर्व शासकीय व खाजगी क्षेत्रातील आस्थापनांवर कार्यरत असणाऱ्या सर्व कर्मचाऱ्यांची सेवायोजन कार्यालये यांनी रिक्तपदे अधिसुचीत करण्याची सक्ती करणारा कायदा 1959 व त्या अंतर्गत नियमावली 1960 नुसार नियोक्त्यांना नमुना ईआर-1 मध्ये नियमीतपणे ऑनलाईन सादर करणे बंधनकारक व सक्तिचे आहे. त्याअनुषंगाने माहे जून-2022 अखेर संपणाऱ्या तिमाहीची नमुना ईआर-1 मधील त्रैमासिक सांख्यिकीय माहीती सादर करण्यासाठी कौशल्य विकास रोजगार व उद्योजकता विभागाच्या https://rojgar.mahaswayam.gov.in या संकेतस्थळावरुन नोंदणीकृत सर्व आस्थापनांना यापुर्वीच युझर नेम व पासवर्ड पाठविण्यात आले आहेत. त्या युझर नेम व पासवर्डचा वापर करुन www.rojgar.mahaswayam.gov.in या संकेतस्थळावर लॉगीन होऊन माहे जून-2022 अखेरचे त्रैमासिक विवरण पत्र दि. 31 जुलै 2022 पर्यंत सादर करावे.
प्रत्येक आस्थापनेने आपला नोंदणी तपशील नोंदवून अद्यावत करावा. तसेच त्रैमासिक ईआर-1 किंवा आपला नोंदणी तपशील अद्यावत करतांना तांत्रिक अडचण आल्यास [email protected] या ईमेल किंवा कार्यालयाच्या दुरध्वनी क्रमांक 0724-2433849 व मो.क्रमांक 9665775778 वर संपर्क साधावा,असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राचे आयुक्त द. ल. ठाकरे यांनी केले आहे.
