जि.प. पोटनिवडणूक; हातरुण मतदान क्षेत्रात स्थानिक सुटी जाहीर

अकोला, दि.4 :- जिल्हा परिषदमधील 35- हातरुण पोट निवडणूकीच्या कार्यक्रमानुसार मतदान रविवार दि. 5 जून रोजी होत आहे. या ठिकाणी कामगार मतदारांना मतदान करता यावे, यासाठी हातरुण मतदान क्षेत्रात रविवारी दि. 5 जून रोजी स्थानिक सुट्टी किंवा दोन तासाची सवलत देण्याबाबतचे आदेश जिल्हाधिकारी निमा अरोरा यांनी निर्गमित केले आहे.

जिल्हा परिषदमधील हातरुण निवडणूक विभागाचे क्षेत्रातील कामगार, अधिकारी व कर्मचारी यांना मतदान करता यावे मग ते कामानिमित्त निवडणुक होणाऱ्या मतदान क्षेत्राबाहेर कार्यरत असले तरी त्यांना निवडणुकीच्‍या दिवशी मतदानाचा हक्‍क बजावण्‍यासाठी रविवार दि. 5 जून रोजी स्थानिक सुट्टी जाहिर केली आहे. तसेच अपवादात्मक परिस्थितीत सर्व खाजगी संस्था, व्यापारी संस्था, दुकाने व कारखानदार आस्थापनेवरील क्षेत्रातील रहिवाशी असलेल्या अधिकारी, कर्मचारी मजुर, कामगार यांना मतदान करता येणे शक्य व्हावे याकरीता कामाच्या तासामधुन दोन तासांची सवलत देण्‍यात यावी, असे आवाहन करण्‍यात येते आहे.