अकोला– राज्य आपत्ती व्यवस्थापन प्रतिसाद दल नागपूर व जिल्हाधिकारी कार्यालय अकोला यांच्या संयुक्त विद्यमाने काटेपूर्णा प्रकल्प महान येथे आपत्ती व्यवस्थापन प्रशिक्षण व पूर परिस्थिती मध्ये बचाव कार्य या विषयावर सराव सत्र घेण्यात आले.
या सराव सत्रास जिल्हाधिकारी निमा अरोरा, निवासी उपजिल्हाधिकारी संजय खडसे, उपविभागीय अधिकारी अकोट श्रीकांत देशपांडे, मुर्तिजापूर अभयसिंह मोहिते पाटील, अकोला डॉ. निलेश अपार, तहसिलदार अकोला सुनिल पाटील, बार्शीटाकळी गजानन हमद, अकोट निलेश मडके, तेल्हारा संतोष येवलीकर, पातूर डी.आर. बाजड, मुर्तिजापूर प्रदीप पवार, बाळापूर ए.आर. सैय्यद, तसेच सर्व नायब तहसीलदार, मंडळ अधिकारी, तलाठी, स्वयंसेवी संस्था प्राधिनिधी, वंदेमातरम आपत्कालीन पथक, कुरणखेड, आपत्कालीन पथक, वनोजा, शिक्षक, आर.एल. टी. कॉलेज चे रासेयो विद्यार्थी व समन्वय उपस्थित होते. प्रशिक्षण सत्रा च्या यशस्वीतेसाठी तलाठी सुनिल कल्ले, निमकंडे, संदीप वाघडकर व आपत्ती व्यवस्थापन अधिकारी संदीप साबळे यांनी योगदान दिले.
