तेल्हारा :- तेल्हारा पोलीस स्टेशन अंतर्गत येणाऱ्या ग्राम पाथर्डी येथील पाहाट रक्तरंजित ठरली असून जावयाने सासऱ्याचा धारदार शस्त्राने हत्या केल्याची घटना तेल्हारा पोलीस स्टेशन अंर्गत घडली आहे.
पोलिसांकडून मिळालेल्या माहितीनुसार पाथर्डी येथील मृतक गजानन पवार वय ५५ वर्ष यांच्या मुलीचा काही वर्षांपूर्वी उमरी येथे झाला होता गेल्या चार महिन्यापासून मुलगी माहेरी आलेली होती काल दिनांक २३ एप्रिल रोजी आरोपी जावाई निलेश विठ्ठल धुरंदर वय ३५ वर्षीय रा उमरी ता तेल्हारा हा आपल्या पत्नीला सासरी घेऊन जायला चार वाजेच्या दरम्यान गेला होता मात्र वडील घरी नाहीत त्यांना येउ द्या नंतर बघू असे म्हणत काही वेळाने मुलीचे वडील हे घरी आल्यानंतर त्यांच्या सोबत आरोपी जावयाने वाद घालुन तेथून निघून गेला त्यानंतर रात्री अंगणामध्ये मृतक गजानन पवार हे घराच्या अंगणामध्ये खाटेवर झोपलेले असतांना आरोपी मध्यरात्री ३.३० वाजेच्या दरम्यान सासरी येऊन बाहेर झोपलेल्या सासऱ्याचा झोपेतच मानेवर धारदार चाकुने वार करून रक्तबंबाळ केले त्यानंतर मृतक गजानन पवार यांनी अरडाओरळ केली असता मृतकाची मुलगी धावत बाहेर आली, असता तिचा पती हातामध्ये चाकू घेऊन उभा होता.
यावेळी पुन्हा वार करणार तोच मृतकाच्या मुलीने आरोपी पतीला ढकलून आरडाओरड केली. तेव्हा आरोपी तेथून पसार झाला आणि गावभर ही बातमी पसरली मृतक गजानन पवार यांना वाचवण्याचा प्रयत्न केले मात्र दवाखान्यात नेण्या अगोदर मृत झाले.या घटनेची माहिती पोलिसांना मिळताच पोलीस घटनास्थळी दाखल होऊन आरोपीचा शोध घेण्यासाठी वेगवेगळे पथक तयार करून जवळपास दोन तास शोध घेतला असता खाकटा या गावानजीक आरोपी पोलिसांना गवसला यावेळी आरोपी जावयाला अटक करून आरोपीच्या पत्नीने दिलेल्या फिर्यादीवरून तेल्हारा पोलीस ठाण्यात कलम ३०२,५०६ नुसार गुन्हा दाखल करण्यात आला असून पोलिसांनी अवघ्या दोन तासात आरोपीला अटक केली हे उल्लंखनिय आहे. सदर कारवाई उपविभागीय पोलीस अधिकारी रितू खोकर यांच्या मार्गदर्शनाखाली ठाणेदार ज्ञानोबा फड,पोलीस उपनिरीक्षक रमेश धामोडे, पो कॉ स्वप्नील सरोदे,योगेश उमक,राजेश्वर सोनोने,उमेश शिनगारे, अक्षय खोने, गजानन इंगळे, जयंत सोनटक्के, अनिल सिरसाट यांनी केली.
