तेल्हारा:- शहरातील जिजामाता नगर येथे राहणाऱ्या ५२ वर्षीय अल्पभूधारक शेतकऱ्याने नापिकी व आर्थिक विवंचनेतुन काल सायंकाळी राहत्या घरी गळफास घेऊन आत्महत्या केल्याची घटना घडली.
स्थानिक जिजामाता नगरमध्ये राहणारे रामदास त्रब्यक वाघ (५२) यांच्या घरची परिस्थिती जेमतेम शेतात मोलमजुरी करून घरची दीड एकर शेती व्याजाने पैसे काढून शेतात पेरणी केली. मात्र निसर्गाच्या लहरीपणामुळे दरवर्षी नापिकी ला सामोरे जावे लागत होते. अशातच शेतीसाठी लोकांकडून व्याजाने पैसे काढून आर्थिक विवंचनेतुन काल सायंकाळी राहत्या घरी ओढणीने गळफास घेऊन आत्महत्या केली. आत्महत्या केली तेव्हा घरातील सर्वजण नातेवाईकाच्या तेरवीच्या कार्यक्रमाला गेलेले होते. घरी कोणी नसल्याने शेजारील व्यक्ती जेवणाचा डब्बा देण्यासाठी गेला असता काल रात्री ९ वाजेच्या दरम्यान घटना उघडकीस आली. मृतक शेतकऱ्याच्या मागे एक मुलगा, दोन मुली, पत्नी असा आप्तपरिवार आहे. पुढील तपास तेल्हारा पोलीस करीत आहेत.
