अकोट (देवानंद खिरकर)-: अकोट तालुक्यातील रामापूर शेतमजूर सुधाकर ठाकरे यांच्या मुलाची नौदलात निवड झाली.ओम सुधाकर ठाकरे हा विद्यार्थी बारावीत शिकत आहे. त्याने 6 डिसेंम्बर 2021 रोजी परीक्षा दिली होती. या निवड प्रक्रियेत गुणवत्ता यादीत ओम ठाकरे पास झाला व त्याची निवड एन एस एस आर मध्ये झाली. त्याचे 22 आठवड्याचे प्रशिक्षण ओरिसातील चिलीका येथे आहे. नंतर त्याची कनिष्ठ माध्यमिक अधिकारी या पदावर नियुक्ती होईल.
ओम ठाकरेचे आजोबा शंकरराव तुळशीराम ठाकरे यांचे स्वप्न होते नातु जहाजावर लागला पाहिजे अखेर आजोबांचे स्वप्न पूर्ण झाले. नौदलात तो कनिष्ठ माध्यमिक अधिकारी म्हणून काम करेल. गरिबी परिस्थितीवर मात करून जिद्द व चिकाटीने करून नेव्हीमध्ये गुणवत्ता यादीत चमकला. त्याच्या यशाचे संपुर्ण तालुक्यातून सर्वत्र कौतुक होत आहे. ओम ठाकरे हा विद्यार्थी आपल्या यशाचे श्रेय आई, वडील, व गुरुजनांना देतो.
