अकोला: प्रभाग क्रमांक 9 गौसीया चौक,गुलजार पुरा येथे दि. 6 डिसेंबर 2021 रोजी कोविड-19 लसीकरण शिबिराचे आयोजन करण्यात आले होते. या शिबीरात २५२ नागरिकांचे लसीकरण करण्यात आले. डाॅ. फारुख शेख यांनी व्यक्तिशः उपस्थित राहून नागरिकांचे लसीकरण केले. लस घेणाऱ्या नागरिकांना ‘गिट्स’ कंपनी कडून पौष्टिक खाद्य पॅकेट चे वाटप करण्यात आले. या अगोदर २८ नोव्हेंबर रोजी शिबिरात २५० नागरिकांचे लसीकरण करण्यात आले होते. आज रोजी ५२५ नागरिकांचे लसीकरण पूर्ण झाले आहे.
प्रभाग क्रमांक 9 प्रभागातील जास्तीत-जास्त नागरिकांनी लसीकरण करुन घ्यावे शासनाला सहकार्य करावे असे आव्हान करण्यात येत आहे. या शिबिरा करीता “वीरांगना बहुउद्देशीय वस्तीस्तर संघ” गुलजार पुरा च्या अध्यक्षा सौ.रजनीताई सुबोध मेश्राम व सहकारी महिला मंडळ, ॲड. सुबोध मेश्राम, गौसीया मस्जिद गुलजार पुराचे सदर अध्यक्ष शे.मेहबूब शे.याकुब, नितेश चव्हाण, आदर्श देशपांडे, निलेश वाघमारे, सुनिल कौसकार व मित्र परिवार यांचे सहकार्य लाभले.
