तेल्हारा: २ ऑक्टोबर गांधी जयंतीचे औचित्य साधून महावितरण तेल्हारा विभागाकडून आज अपघात सुरक्षा सप्ताह साजरा करण्यात आला.
महावितरण विभाकडून अनेक वेळा अपघात होऊ नये यासाठी जनजागृती पर कार्यक्रम आयोजित केले जातात अनेक वेळा सावधानता न बालगल्याने अनेकांना आपला जीव गमवावा लागला आहे. अशातच दि २ ऑक्टोबर रोजी तेल्हारा महावितरण शाखेतर्फे जनजागृती करण्यासाठी अधिकारी व कर्मचारी यांनी शहरातून मोटारसायकल रॅली काढली होती. यावेळी तेल्हारा पोलीस स्टेशनचे ठाणेदार ज्ञानोबा फड यांनी रॅलीला हिरवी झेंडी दाखवून रॅलीला सुरुवात केली. शहरातील मुख्य रस्त्यावरून रॅली काढून अपघात होऊ नये तसेच वीज बिल भरणा नागरिकांनि वेळेवर करावा असे आवाहन सुद्धा केले. यावेळी उपकार्यकरी अभियंता दीपक राठोड, सहाय्यक अभियंता आकाश गुप्ता, आकाश पाचभाई, विशाल गावकरे, राजसिह गोठवाल, कल्याणी गावंडे, गजानन तायडे, शुशोधन दारोकार यांच्या सह कर्मचारी वर्ग या अपघात सुरक्षा सप्ताहाच्या रॅलीत सहभागी होते.
