अकोला– आज दिवसभरात शासकीय वैद्यकीय महाविद्यालयातील प्रयोगशाळेतून (सायंकाळी पाच वाजेपर्यंत) कोरोना संसर्ग तपासणीचे (आरटीपीसीआर) 307 अहवाल प्राप्त झाले. त्यातील 303 अहवाल निगेटीव्ह, चार जणांचे अहवाल पॉझिटीव्ह आले, तर तीन जणांना डिस्चार्ज देण्यात आला, असे जिल्हा रुग्णालय व शासकीय वैद्यकीय महाविद्यालयामार्फत कळविण्यात आले आहे.
त्याच प्रमाणे काल (दि.22) रॅपिड ॲटीजेन टेस्ट मध्ये दोन अहवाल पॉझिटीव्ह आला. त्यामुळे आता एकूण पॉझिटीव्ह अहवालांची एकूण संख्या 57857(43251+14429+177) झाली आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे.
आजचे एकूण पॉझिटीव्ह- आरटीपीसीआर चार + रॅपिड ॲन्टीजेन चाचणी दोन = एकूण पॉझिटीव्ह सहा
शासकीय वैद्यकीय महाविद्यालयाकडून प्राप्त माहितीनुसार, आजपर्यंत एकूण 320296 नमुने तपासण्यात आले. त्यात प्राथमिक तपासणीचे 316677 फेरतपासणीचे 402 तर वैद्यकीय कर्मचाऱ्यांचे 3217 नमुने होते. आजपर्यंत एकूण 320296 अहवाल प्राप्त झाले आहेत. एकूण निगेटीव्ह अहवालांची संख्या 277045 आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे.
चार पॉझिटिव्ह
आज दिवसभरात चार जणांचे अहवाल पॉझिटीव्ह आले. त्यात तीन पुरुष व एका महिलेचा समावेश असून ते अकोला मनपा क्षेत्रातील तीन जण तर बाळापूर तालुक्यातील एक याप्रमाणे रहिवासी आहे. दरम्यान रॅपिड ॲन्टीजेन चाचण्यात दोघांचा अहवाल पॉझिटीव्ह आला, याची नोंद घ्यावी.
19 जणांवर उपचार सुरु
जिल्ह्यात एकूण पॉझिटीव्ह अहवालांची एकूण संख्या 57857(43251+14429+177) आहे. त्यात 1136 मृत झाले आहेत. तर 56702 जणांना डिस्चार्ज देण्यात आला असून सद्यस्थितीत 19 जणांवर उपचार सुरु आहेत, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली आहे.
रॅपिड ॲन्टीजेन चाचण्याः 225 चाचण्यात दोन पॉझिटीव्ह
कोरोना संसर्ग चाचणीसाठी जिल्ह्यात रॅपिड ॲन्टीजन टेस्ट राबविण्यात येत आहे. यात काल (दि.22) दिवसभरात झालेल्या 225 चाचण्या झाल्या त्यात दोघांचा अहवाल पॉझिटीव्ह आला, अशी माहिती जिल्हा रुग्णालयातून देण्यात आली.
काल दिवसभरात बाळापूर येथे एक, मुर्तिजापूर येथे चार, अकोला महानगरपालिका येथे 157, हेगडेवार लॅब येथे आठ चाचण्या झाल्या त्यात कोणाचाही अहवाल पॉझिटीव्ह आला नाही, तर शासकीय वैद्यकीय महाविद्यालयातील 55 चाचण्या झाल्या त्यात दोघांचा अहवाल पॉझिटीव्ह आला, असे 225 जणांच्या चाचण्या होऊन त्यात दोघांचा अहवाल पॉझिटीव्ह आला.
