तेल्हारा (प्रा. विकास दामोदर): तेल्हारा पोलीस स्टेशन अंतर्गत येणाऱ्या ग्राम घोडेगाव येथील युवा शेतकरी गणेश लक्ष्मणराव कवळे (वय 34 वर्षे ) यांनी आपल्या राहत्या घरातील व्ह्हेंटिलेटरला नायलॉन दोरीने गळफास घेऊन आत्महत्या केली. मृतकावर खाजगी बँकेचे कर्ज होते. असे मृतकाच्या नातेवाईकांकडून सांगण्यात आले. यावर्षी शेतात पेरलेलं पीक चांगले जोमदार बहरले देखील परंतु चालू असलेल्या पावसामुळे हातातोंडांशी आलेला घास देखील मातीत मिसळला या चिंतेने ग्रासून गणेश याने घरात गळफास घेऊन या जगाचा कायमचा निरोप घेतला.
गणेश तसा अत्यंत मनमिळावू स्वभावाचा कुठल्याही जातीधर्माच्या सामाजिक, धार्मिक, कार्यात सदा अग्रेसर राहायचा. राजकारणात देखील आमदार भारसाकडे यांचा प्रामाणिक व विश्वासू कार्यकर्ता म्हणून पांचक्रोशीत प्रसिद्ध होता.
सदर घटनेची माहिती तेल्हारा पोलीस स्टेशनला देताच ठाणेदार नितीन देशमुख साहेब, चिंचोलकर साहेब, पो. हे. कॉ. जगदीश पुंडकर, पो. कॉ. सतीश भटकर यांनी घटना स्ळाला भेट देऊन पंचनामा केला व उत्तरीय तपासणी तथा शव विच्छेदनास ग्रामीण रुग्णालय तेल्हारा येथे पाठवण्यात आले. गणेशच्या अशा अकाली जाण्याने परिसरात हळहळ व्यक्त करण्यात येत आहे.
