तेल्हारा: शुभम सोनटक्के: स्वातंत्र्यवीर गणपतराव इंगळे कृषि विद्यालय जळगाव जामोद येथील अंतिम वर्षातील विद्यार्थ्यांनी ग्रामीण कृषि कार्यानुभव अंतर्गत तेल्हारा तालुका मधील ग्रामपंचायत वाडी (अदमपुर) येथे जनावरांना लसीकरण करण्याचा कार्यक्रम आयोजित केला होता.
या वेळी शेतकरी प्रभाकर खारोडे, दिनकर खारोडे, शहादेव हेटे इत्यादींच्या उपस्थितीत जनावरांना घटसर्प व फर्या या रोगाचे लसीकरण केले.
यामध्ये इतर गावकऱ्यांचाही समावेश होता. डॉ. एम ए दांदळे (पशुधन विकास), डॉ पी टी शेंडे (पशुधन परवेक्षक), डॉ गोविंद पोहरकर यांच्या द्वारे हे लसीकरण पार पाडण्यात आले. डॉ. एम ए दांदळे यांनी गावकऱ्यांना उत्तम मार्गदर्शन केले. त्यांचे समवेत कृषि विद्यालयाचे विद्यार्थी शुभम वानखडे, सुधीर गवई, शुभम खंडेराय, अंकित भोजने व तथागत खंडारे यांनी कार्यक्रम घेतला. यामध्ये विविध आजराच्या लस बद्दल माहिती देऊन जनावरांचे महत्व लक्षात आणून दिले. सदर कार्यक्रमासाठी विद्यार्थ्यांनी कृषि महाविद्यालयाचे प्राचार्य श्री. योगेश गवई सर, कार्यक्रमाचे अधिक्षक प्रा. अविनाश आटोळे सर व प्रा. एम. डब्लू. आखुड सर यांचे योग्य मार्गदर्शन लाभले.
