अकोट शहरात दिवसाढवळ्या व्यापाऱ्याच्या घरावर चोरट्यांनी दरोडा टाकणाऱ्या सहा दरोडेखोरांना अकोट पोलिसांनी जेरबंद केल आहे. सदर घटनेमुळे शहर पोलिसांच्या कार्यप्रणालीवर प्रशचिन्ह उपस्थित केले जात होते मात्र दोन दिवसांच्या कालावधीतच या चोरट्यांना शोधण्यात अकोट पोलिसांना यश आले आहे.
अकोट पोलिसांनी कौशल्याने तपास करत आरोपीचा ठावठिकाणा तर शोधून त्यांना अटक देखील केली. या सहा जणांना सोबत घेऊन दरोडा टाकण्याचा प्लॅन आखला पण तिजोरी न सापडल्याने व अमृतलाल सेजपाल यांच्या नातीने आरडा – ओरडा केल्याने डाव फसला संपूर्ण घटना क्रम पाहता पोलिसांनी फक्त चेहरा झाकलेल्या आरोपींच्या सीसी टीव्ही फुटेज वरुन पोलिसांनी शिताफीने या आरोपींना अटक केली आहे.
या दरोड्याचा प्लान करणारी त्याच घरची मोलकरीण असल्याचे समोर आले असून सहा जणांचा समावेश असून यातील तीन महिला व तीन पुरुष असून त्यांचे नावे पुढील प्रमाणे आहेत.
1)विठ्ठल नामदेव टवरे वय पन्नास वर्ष 2)सौ वैशाली विठ्ठल टवरे वय 45 वर्ष दोन्ही रा शिवाजीनगर, मोठे बारगण, अकोट, जिल्हा अकोला 3)संगम गणेशराव ठाकरे वय 32 वर्षे 4)सागर गणेशराव ठाकरे वय 30 वर्ष 5)अमृता संगम ठाकरे वय 25 वर्ष राहणार येवदा तालुका दर्यापूर, जिल्हा अमरावती हल्ली मुक्काम रमुक्ताई संकुल, कबुतरी मैदान ,अकोट, जिल्हा अकोला 6)सीमा विजय निंबोकार वय 35 वर्षे राहणार नर्सिंग कॉलनी अकोट यांना अटक करण्यात आली आहे.
दिनांक 31/8/ 2021रोजी बुधवार वेस अकोट येथे राहणारे अश्विन अमृतलाल सेजपाल वय 44 वर्ष हे त्यांचे कुटुंबासह खामगाव येथे त्यांच्या नातेवाईकांचे लग्न करता गेले असता त्यांच्या राहत्या घरी बुधवार वेस अकोट येथे त्यांचे वृद्ध आई-वडील एक मुलगी असे घरी हजर असताना दोन अनोळखी पुरुष व दोन महिला हे त्यांच्या तोंडाला स्कार्फ बांधून आपण कोरोना लस घेतलेली आहे का याबाबत विचारपूस करून आम्ही सर्वे करत आहोत असे सांगून फिर्यादीचे घरात जबरीने घुसून त्यांचे आई वडिलांचे व मुलीचे तोंडात कापसाचा बोळा घालून त्यांना मारहाण करून व त्यांचे हात-पाय बांधून घरातील नगदी 2700/- रुपये व एक मोबाईल किंमत अंदाजे 27000/- रुपये असा एकूण 29700/- रुपयांचा मुद्देमाल जबरीने चोरून नेला अशा रिपोर्ट वरून पोलीस स्टेशन अकोट शहर येथे चार अनोळखी आरोपी विरुद्ध अपराध क्रमांक 819/2021भादवि कलम 394,452, 506, 34 प्रमाणे गुन्हा दाखल करण्यात आला होता.
सदरची कारवाई माननीय पोलीस अधीक्षक श्री जी श्रीधर साहेब आकोला, अप्पर पोलीस अधीक्षक मोनिका राऊत यांचे मार्गदर्शनाखाली तपास अधिकारी पोलीस निरीक्षक प्रकाश अहिरे अकोट शहर यांच्या नेतृत्वात डीबी स्कॉड चे पोलीस उपनिरीक्षक राजेश जवरे पोहेका. उमेश सोळंके,उमेश पराये, राजेश वसे,सुलतान पठाण, गोपाल उघडते,गोपाल बुंदे, विजय चव्हाण, विजय सोळंके, दिलीप तायडे, वसीम शेख, अंकुश डोबाळे,विशाल दांदडे यांनी केली आहे
