मतदान ओळखपत्र बदल: मतदान करायचे असेल आणि कुठे ओळख सिद्ध करायची असेल तर मतदान ओळखपत्र महत्त्वाचे असते, मात्र त्यात बदल करायचा कसा? सरकारकडून आलेल्या ओळखपत्रात अनेक चुका असतात. अशा वेळी या चुका दुरुस्त करायच्या यांची अनेकांचा चिंता असते. चला तर मग जाणून घेऊ.
मतदान ओळखपत्र हा महत्त्वाचा सरकारी दस्ताऐवज आहे. भारतीय निवडणूक आयोगाकडून ही ओळखपत्रे दिली जातात.
जर ओळखपत्र नसेल तर आपल्याला अडचणीचा सामना करावा लागतो.
शिवाय आपल्याला पासपोर्ट काढण्यासाडीही मतदान ओळखपत्राची गरज असते.
ओळख, जन्म तारीख पुरावा, पत्ता यासाठी हा दस्ताऐवज महत्त्वाचा असतो.
मात्र सरकारी यंत्रणा अनेकदा त्रुटी असलेले कार्ड मतदारांना देते आणि अनेक अडचणींचा समाना सुरू होतो.
यामुळे अनेक अडचणी येऊ शकतात. मात्र, आता जर तुमच्या ओळखपत्रात काही अडचणी असतील तर त्या दुरुस्तही करता येतात. मतदान ओळखपत्र या महत्त्वाच्या दस्ताऐवजात कसा बदल करायचा याबाबत पाहून घेऊ.
पत्ता कसा बदलाल
- आपल्याला पत्ता बदलायचा असेल तर राष्ट्रीय मतदार सेवा पोर्टल म्हणजेत www.nvsp.in वर लॉगइन करावे लागेल.
- लॉग इन केल्यानंतर तुमचा मतदारसंघ निवडावा लागणार आहे. तेथे मतदार नोंदणी रजिस्ट्रेशनसाठी ऑनलाईन अर्जानुसार फॉर्म ६ वर क्लिक करा.
- जर एकाच मतदारसंघात एका निवासस्थानापासून दुसऱ्या जागी स्थलांतरित झाला असाल तर फॉर्म नंबर ८ वर क्लिक करा.
- तेथे तुमचे नाव, जन्मतारीख, राज्या, मतदारसंघ, विद्यमान कायमचा पत्ता यांसारखे डिटेल्स भरा.
- काही मुद्दे वैकल्पिक आहेत तेही आवर्जून भरले पाहिजेत. जसे ई-मेल आयडी, मोबाईल क्रमांक.
- सोबत फोटो, पत्त्त्याचा पुरावा, जन्मतारखेचा पुरावा यांसारखे दस्ताऐवज अपलोड करा.
- हे अपलोड केलेले दस्ताऐवज फॉर्मही ऑनलाईन सबमीट करा.
- त्यानंतर डिक्लरेशन ऑप्शन फॉर्मही भरा. त्यानंतर कॅप्चा भरा. सर्व डिटेल्स व्हेरिफाय केल्यानंतर सबमिट बटण क्लिक करा.
जन्मतारीख कशी बदलाल
- मतदान ओळखपत्रावरील जन्मतारीख चुकली असेल तर आपल्याला वरील वेबसाईटवर म्हणजेच www.nvsp.in वर लॉग इन करावे लागेल.
- येथे तुम्हाला अनेक पर्याय मिळतील. तेथे Correction in Voter ID हा पर्याय क्लिक करावा लागेल.
- त्यानंतर आणखी काही पर्यााय येतील यात correction in Age या पर्यायावर क्लिक करावे लागेल. तेथे तुमचे वय भरावे.
- ही नोंद अद्ययावत करण्यासाठी काही कागदपत्रेही आपल्याला अपलोड करावी लागतील.
- हे भरल्यानंतर डिक्लरेशन ऑप्शन भरावे लागतील. यात सगळे डिटेल्स भरल्यानंतर सबमिट बटण क्लिक करा.
- रिफ्रेश आयडी जनरेट झाल्यानंतर तेथे तुमचा स्टेटस ट्रॅक होऊ शकतो.
तदान ओळख पत्रात असे बदला नाव
- www.nvsp.in या वेबसाईटवर लॉगइन करावे लागेल. तेथे तुम्हाला अनेक पर्याय उपलब्ध असतील. Correction in Voter ID या पर्यायावर क्लिक करा.
- यात correction in Name या पर्यायावर तुम्ही क्लिक करा. तेथे तुमचे नाव बदला.
- नाव बदलण्यासाठी काही कागदपत्रांची मागणी होईल. ते तुम्ही बदला.
- त्यानंतर डिक्लरेशन फॉर्म भरावा लागेल. त्यानंतर सगळी डिटेल्स व्हेरिफाय झाल्यानंतर submit बटन क्लिक करा.
