बाळापूर महावितरण विभाग उठला नागरिकांच्या जीवावर, त्वरित दुरुस्ती करा अन्यथा आंदोलन

अकोला: बाळापुर शहरांमध्ये महावितरण च्या काही अधिकारी व कर्मचारी यांचा मनमानी कारभार सुरू असून बाळापुर शहरातील वार्ड नंबर 19 सय्यद पुरा येथे दोन विद्युत पोल मधील इलेक्ट्रिक तार ह्या बीएसएनएलच्या खांबावर जोडणी केल्या आहेत त्या खांबा मध्ये करंट येत आहे.

तर विद्युत तारा ह्या काही नागरिकांच्या घरा वरून गेलेल्या आहेत महावितरण विद्युत केंद्रातील कामचुकार कर्मचारी यांच्या निष्काळजीपणामुळे भविष्यात एखादी दुर्घटना होऊ शकते एखाद्या व्यक्तीचा प्राण सुद्धा जाऊ शकतो म्हणून लवकरात लवकर निरीक्षण करून इलेक्ट्रिक पोल लावावा लोंबकळत असणाऱ्या तारा व्यवस्थित करण्यात याव्यात.

अन्यथा अशोका फाउंडेशनच्या वतीने तीव्र आंदोलन करण्यात येईल अशी मागणी शुभम पंजाबराव तिडके संस्थापक अध्यक्ष फाउंडेशन अकोला यांनी कार्यकारी अभियंता बाळापुर यांना दिलेल्या निवेदनात केली आहे