अकोला,– आज दि.3 दिवसभरात शासकीय वैद्यकीय महाविद्यालयातील प्रयोगशाळेतून (सायंकाळी पाच वाजेपर्यंत) कोरोना संसर्ग तपासणीचे 566 अहवाल प्राप्त झाले. त्यातील 560 अहवाल निगेटीव्ह तर सहा जणांचे अहवाल पॉझिटीव्ह आले. दरम्यान 40 जणांना डिस्चार्ज देण्यात आला, असे जिल्हा रुग्णालय व शासकीय वैद्यकीय महाविद्यालयामार्फत कळविण्यात आले आहे.
त्याच प्रमाणे काल (दि.2) रॅपिड ॲटीजेन टेस्ट मध्ये सहा जणांचा अहवाल पॉझिटीव्ह आला. त्यामुळे आता एकूण पॉझिटीव्ह अहवालांची एकूण संख्या 57620(43089+14354+177) झाली आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे. आजचे एकूण पॉझिटीव्ह- आरटीपीसीआर सहा+ रॅपिड ॲन्टीजेन चाचणी सहा = एकूण पॉझिटीव्ह-12
शासकीय वैद्यकीय महाविद्यालयाकडून प्राप्त माहितीनुसार, आजपर्यंत एकूण 294651 नमुने तपासण्यात आले. त्यात प्राथमिक तपासणीचे 291156 फेरतपासणीचे 397 तर वैद्यकीय कर्मचाऱ्यांचे 3098 नमुने होते. आजपर्यंत एकूण 294611 अहवाल प्राप्त झाले आहेत. एकूण निगेटीव्ह अहवालांची संख्या 251522 आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे.
सहा पॉझिटिव्ह
आज दि.3 दिवसभरात सहा अहवाल पॉझिटीव्ह आले. त्यात पाच महिला व एक पुरुषांचा समावेश आहे. त्यात तालुकानिहाय संख्या याप्रमाणे- अकोट-एक, मुर्तिजापूर-दोन, अकोला मनपा क्षेत्र- तीन. दरम्यान काल (दि.2) रात्री प्राप्त रॅपिड ॲन्टीजेन चाचण्यांच्या अहवालात सहा जणांचा अहवाल पॉझिटीव्ह आला. त्यांचाही समावेश आजच्या एकुण पॉझिटीव्ह व ॲक्टीव्ह रुग्ण संख़्येत करण्यात आला आहे, याची नोंद घ्यावी.
40 जणांना डिस्चार्ज
दरम्यान आज दि.3 दुपारनंतर शासकीय वैद्यकीय महाविद्यालयातून आठ, बिहाडे हॉस्पीटल येथील एक, केअर हॉस्पीटल येथील एक, तर होम आयसोलेशन मधील 30 असे एकूण 40 जणांना डिस्चार्ज देण्यात आला, अशी माहिती जिल्हा रुग्णालयातून देण्यात आली.
265 जणांवर उपचार सुरु
जिल्ह्यात एकूण पॉझिटीव्ह अहवालांची एकूण संख्या 57620(43089+14354+177) आहे. त्यात 1128 मृत झाले आहेत. तर 56227 जणांना डिस्चार्ज देण्यात आला असून सद्यस्थितीत 265 जणांवर उपचार सुरु आहेत, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली आहे.
