अकोला : स्थानिक सिव्हील लाईन पोलिस ठाण्याच्या हद्दीत एका अल्पवयीन मुलाने आपल्या मित्राचा गळा आवळून हत्या केल्याची घटना घडली. याप्रकरणी अल्पवयीन आरोपीला रविवारी न्यायालयात हजर केले असता त्याची बाल सुधारगृहात रवानगी करण्यात आली. मृतक आणि आरोपी दोघेही बुलडाणा जिल्ह्यातील रहिवासी आहेत.
शास्री नगर भागात एका खोलीत दोघेही नीट परीक्षेची तयारी करीत होते. 17 जून रोजी काही कारणावरून त्यांच्यात वाद झाला. या वादातून एकाची मित्रानेच गळा आवळून हत्या केली. याप्रकरणी सिव्हील लाईन ठाण्याचे पोलिस निरीक्षक भानुप्रताप मडावी यांच्या मार्गदर्शनात पुढील तपास सुरू आहे.
