अकोला – आज दि.15 दिवसभरात शासकीय वैद्यकीय महाविद्यालयातील प्रयोगशाळेतून (सायंकाळी पाच वाजेपर्यंत) कोरोना संसर्ग तपासणीचे 736 अहवाल प्राप्त झाले. त्यातील 707 अहवाल निगेटीव्ह तर 29 जणांचे अहवाल पॉझिटीव्ह आले. दरम्यान 118 जणांना डिस्चार्ज देण्यात आला, तर दोघांचा उपचारा दरम्यान मृत्यू झाला, असे जिल्हा रुग्णालय व शासकीय वैद्यकीय महाविद्यालयामार्फत कळविण्यात आले आहे.
त्याच प्रमाणे काल (दि.14) रॅपिड ॲटीजेन टेस्ट मध्ये 34 जणांचा अहवाल पॉझिटीव्ह आला. त्यामुळे आता एकूण पॉझिटीव्ह अहवालांची एकूण संख्या 57223(42865+14181+177) झाली आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे. आजचे एकूण पॉझिटीव्ह- आरटीपीसीआर 29 + रॅपिड ॲन्टीजेन चाचणी 34= एकूण पॉझिटीव्ह- 63.
शासकीय वैद्यकीय महाविद्यालयाकडून प्राप्त माहितीनुसार, आजपर्यंत एकूण 283711 नमुने तपासण्यात आले. त्यात प्राथमिक तपासणीचे 280253 फेरतपासणीचे 396 तर वैद्यकीय कर्मचाऱ्यांचे 3062 नमुने होते. आजपर्यंत एकूण 283654 अहवाल प्राप्त झाले आहेत. एकूण निगेटीव्ह अहवालांची संख्या 240789 आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे.
29 पॉझिटिव्ह
आज दि.15 दिवसभरात 29 अहवाल पॉझिटीव्ह आले. त्यात 16 महिला व 13 पुरुषांचा समावेश आहे. त्यात तालुकानिहाय संख्या याप्रमाणे- मुर्तिजापूर-चार, बार्शीटाकळी-दोन, बाळापूर-तीन, अकोट-पाच, तेल्हारा-चार, अकोला-11. (अकोला ग्रामीण-पाच, अकोला मनपा क्षेत्र-सहा), दरम्यान काल (दि.14) रात्री प्राप्त रॅपिड ॲन्टीजेन चाचण्यांच्या अहवालात 34 जणांचा अहवाल पॉझिटीव्ह आला. त्यांचाही समावेश आजच्या एकुण पॉझिटीव्ह व ॲक्टीव्ह रुग्ण संख़्येत करण्यात आला आहे, याची नोंद घ्यावी.
118 जणांना डिस्चार्ज
दरम्यान आज दि.15 दुपारनंतर शासकीय वैद्यकीय महाविद्यालयातून सहा, जिल्हा परिषद कर्मचारी भवन येथील दोन, थोटे हॉस्पीटल येथील दोन, मातृभूमी हॉस्पीटल येथील दोन, शिवाजी कॉलेज लेडी हॉस्टेल येथील दोन, जिल्हा स्त्री रुग्णालय येथील चार, आधार हॉस्पीटल मुर्तिजापूर येथील दोन, नवजीवन हॉस्पीटल येथील दोन, आधार हॉस्पीटल येथील तीन, केअर हॉस्पीटल येथील तीन, तर होम आयसोलेशन मधील 90 असे एकूण 118 जणांना डिस्चार्ज देण्यात आला,अशी माहिती जिल्हा रुग्णालयातून देण्यात आली.
दोघांचा मृत्यू
आज दि.15 दिवसभरात दोघांचा मृत्यूची नोंद झाली. त्यात,
हिवरखेड ता. तेल्हारा येथील 48 वर्षीय पुरुष असून या रुग्णास दि. 12 जून रोजी दाखल केले होते.
बाबुळगाव येथील 78 वर्षीय महिला असून या महिलेस दि. 4 जून रोजी दाखल केले होते, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली.
1233 जणांवर उपचार सुरु
जिल्ह्यात एकूण पॉझिटीव्ह अहवालांची एकूण संख्या 57223(42865+14181+177) आहे. त्यात 1116 मृत झाले आहेत. तर 54874 जणांना डिस्चार्ज देण्यात आला असून सद्यस्थितीत 1233 जणांवर उपचार सुरु आहेत, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली आहे.
