अकोला,दि.12- आज दिवसभरात शासकीय वैद्यकीय महाविद्यालयातील प्रयोगशाळेतून (सायंकाळी पाच वाजेपर्यंत) कोरोना संसर्ग तपासणीचे 540 अहवाल प्राप्त झाले. त्यातील 496 अहवाल निगेटीव्ह तर 44 जणांचे अहवाल पॉझिटीव्ह आले. दरम्यान 228 जणांना डिस्चार्ज देण्यात आला, तर तिघांचा उपचारा दरम्यान मृत्यू झाला, असे जिल्हा रुग्णालय व शासकीय वैद्यकीय महाविद्यालयामार्फत कळविण्यात आले आहे.
त्याच प्रमाणे काल (दि.11) रॅपिड ॲटीजेन टेस्ट मध्ये 24 जणांचा अहवाल पॉझिटीव्ह आला. त्यामुळे आता एकूण पॉझिटीव्ह अहवालांची एकूण संख्या 57101(42802+14122+177) झाली आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे. आजचे एकूण पॉझिटीव्ह- आरटीपीसीआर 44 + रॅपिड ॲन्टीजेन चाचणी 24= एकूण पॉझिटीव्ह- 68.
शासकीय वैद्यकीय महाविद्यालयाकडून प्राप्त माहितीनुसार, आजपर्यंत एकूण 281942 नमुने तपासण्यात आले. त्यात प्राथमिक तपासणीचे 278490 फेरतपासणीचे 395 तर वैद्यकीय कर्मचाऱ्यांचे 3057 नमुने होते. आजपर्यंत एकूण 281856 अहवाल प्राप्त झाले आहेत. एकूण निगेटीव्ह अहवालांची संख्या 239054 आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे.
44 पॉझिटिव्ह
आज दिवसभरात 44 अहवाल पॉझिटीव्ह आले. त्यात 19 महिला व 25 पुरुषांचा समावेश आहे. त्यात तालुकानिहाय संख्या याप्रमाणे- मुर्तिजापुर-नऊ, अकोट-पाच, बाळापूर-पाच, बार्शीटाकळी- एक, पातूर-दोन, तेल्हारा-एक, अकोला-21. (अकोला ग्रामीण-10, अकोला मनपा क्षेत्र-11), दरम्यान काल (दि.11) रात्री प्राप्त रॅपिड ॲन्टीजेन चाचण्यांच्या अहवालात 24 जणांचा अहवाल पॉझिटीव्ह आला. त्यांचाही समावेश आजच्या एकुण पॉझिटीव्ह व ॲक्टीव्ह रुग्ण संख़्येत करण्यात आला आहे, याची नोंद घ्यावी.
228 जणांना डिस्चार्ज
दरम्यान आज दुपारनंतर शासकीय वैद्यकीय महाविद्यालयातून 17, आर्युवेदिक महाविद्यालय येथील पाच, यकीन हॉस्पीटल येथील तीन, इन्फीनिटी हॉस्पीटल येथील एक, थोटे हॉस्पीटल येथील चार, समर्पण हॉस्पीटल येथील दोन, हॉटेल इंद्रप्रस्‍त येथील दोन, ओझोन हॉस्पीटल येथील तीन, इंदिरा हॉस्पीटल येथील दोन, फतेमा हॉस्पीटल येथील दोन, डॉ.के.एस. पाटील हॉस्पीटल येथील एक, केअर हॉस्पीटल येथील एक, बैस्कार हॉस्पीटल येथील तीन, लोटस मल्टी. हॉस्पीटल मुर्तिजापूर येथील दोन, तर होम आयसोलेशन मधील 180 असे एकूण 228 जणांना डिस्चार्ज देण्यात आला,अशी माहिती जिल्हा रुग्णालयातून देण्यात आली.
तिघांचा मृत्यू
आज दिवसभरात तीन जणांचा मृत्यूची नोंद झाली. त्यात,
चरणगाव ता. पातूर येथील 70 वर्षीय महिला असून या महिलेस दि. 1 जून रोजी दाखल केले होते.
बार्शीटाकळी येथील 61 वर्षीय पुरुष असून या रुग्णास दि. 3 जून रोजी दाखल केले होते.
बोरगाव मंजू येथील 50 वर्षीय महिला असून या महिलेस दि. 5 जून रोजी दाखल केले होते, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली.
1577 जणांवर उपचार सुरु
जिल्ह्यात एकूण पॉझिटीव्ह अहवालांची एकूण संख्या 57101(42802+14122+177) आहे. त्यात 1111 मृत झाले आहेत. तर 54413 जणांना डिस्चार्ज देण्यात आला असून सद्यस्थितीत 1577 जणांवर उपचार सुरु आहेत, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली आहे.
